ముంబైలో ఆదివారం తెల్లవారుజామున తీవ్ర విషాదం చోటుచేసుకుంది. ప్రసిద్ధి చెందిన లాల్బాగ్ సమీపంలోని కాలచౌకి ప్రాంతంలో ఉన్న ఒక గణేష్ మండపం వద్ద విద్యుత్ షాక్ తగలడంతో 8 ఏళ్ల రాఘణి ఘన్శ్యామ్ యాదవ్ అనే చిన్నారితో సహా ఇద్దరు అక్కడికక్కడే ప్రాణాలు కోల్పోయారు. ఈ ప్రమాదంలో మరో నలుగురు భక్తులు తీవ్రంగా గాయపడ్డారు. ఫైర్ బ్రిగేడ్ అధికారులు అందించిన ప్రాథమిక వివరాల ప్రకారం.. ఆదివారం తెల్లవారుజామున సుమారు 2 గంటల సమయంలో మండపం సమీపంలో ఉన్న విద్యుత్ వైర్ల ద్వారా ఈ ఘోరం జరిగింది. ఈ విద్యుదాఘాతంలో 8 ఏళ్ల రాఘణి ఘన్శ్యామ్ యాదవ్తో పాటు మరొక వ్యక్తి మరణించగా, మరో నలుగురు తీవ్ర గాయాలపాలయ్యారు. ప్రమాదాన్ని గమనించిన వెంటనే స్థానికులు, అగ్నిమాపక సిబ్బంది ఘటనా స్థలానికి చేరుకుని గాయపడిన వారిని భైకల్లాలోని 'మసీనా ఆసుపత్రి'కి తరలించారు. లైటింగ్ మరియు సౌండ్ సిస్టమ్ అమరికల్లో లోపాల వల్ల కరెంట్ షార్ట్ సర్క్యూట్ అయిందా అనే కోణంలో పోలీసులు మరియు అగ్నిమాపక దళం కేసు నమోదు చేసుకుని దర్యాప్తు చేస్తున్నారు.
No comments:
Post a Comment