రూ.2వేలు మించిన ఇంధన కొనుగోళ్లకు యూపీఐ చెల్లింపులను నిలిపివేయాలని నిర్ణయించిన మధ్యప్రదేశ్‌ పెట్రోల్ పంప్ డీలర్లు

ఎండీఆర్ పై పెట్రోల్ పంప్ డీలర్లు ఆందోళన వ్యక్తం చేస్తున్నారు. మధ్యప్రదేశ్‌లో రూ.2,000కు మించిన ఇంధన కొనుగోళ్లకు యూపీఐ చెల్లింపులను నిలిపివేయాలని పెట్రోల్ పంప్ డీలర్లు నిర్ణయించారు. అక్టోబర్ 15 నుంచి కొత్త ఎండీఆర్ విధానం అమల్లోకి రానుండగా.. మధ్యప్రదేశ్‌లోని దాదాపు 4,700 పెట్రోల్ పంపులపై ఈ నిర్ణయం ప్రభావం చూపనుంది. మధ్యప్రదేశ్ పెట్రోలియం డీలర్స్ అసోసియేషన్ ప్రకారం.. రూ.2,000కు మించిన ఇంధన బిల్లులకు అక్టోబర్ నుంచి యూపీఐ చెల్లింపులను స్వీకరించకుండా నగదు చెల్లింపులకే పరిమితం చేయాలని నిర్ణయించారు.