ఆంధ్రప్రదేశ్ ప్రభుత్వ ఖజానాకు ఆగస్టు నెలలో పన్నుల రాబడి రూ.25,449.80 కోట్లకు వచ్చింది. గతేడాది ఆగస్టులో నమోదైన రూ.21,558.09 కోట్లతో పోలిస్తే 18.05 శాతం వృద్ధి నమోదైంది. ఈసారి సుమారు రూ.3,891.71 కోట్ల మేర అధిక వసూళ్లు అయ్యాయి. పన్నుల వసూళ్లను పెంచేందుకు వాణిజ్య పరిజ్ఞానం పన్నుల శాఖ చేపడుతున్న సాంకేతిక, డిజిటల్ చర్యలు సత్ఫలితాలు ఇస్తున్నాయని అధికారులు చెబుతున్నారు. స్థూల పన్నుల రాబడితో పాటు నికర వసూళ్లలోనూ దాదాపు 18 శాతం వృద్ధి నమోదైనట్లు వాణిజ్య పన్నుల శాఖ వెల్లడించింది. పన్నుల చెల్లింపుల్లో అనుసరణ పెరగడం, తనిఖీలు, డేటా ఆధారిత పర్యవేక్షణ ఇందుకు కారణమని అధికారులు చెబుతున్నారు. పన్నుల ఎగవేతకు చెక్ పెట్టేందుకు వాణిజ్య పన్నుల శాఖ ఆర్టిఫిషియల్ ఇంటెలిజెన్స్, డేటా అనలిటిక్స్ ఆధారిత స్క్రూటినీపై దృష్టి పెట్టింది. రిటర్నులు, రిజిస్ట్రేషన్లు, ఆడిట్లలో ఏఐ ఆధారిత వ్యవస్థలను వినియోగిస్తున్నట్లు ఇటీవల జీఎస్టీ కౌన్సిల్ అధికారులకు ఏపీ అధికారులు వివరించారు. ఆగస్టు గణాంకాలకు ముందే రాష్ట్ర పన్నుల వసూళ్లలో వృద్ధి కనిపించింది. ఏప్రిల్ నుంచి జూలై 2026 వరకు వాణిజ్య పన్నుల మొత్తం వసూళ్లు రూ.20,464.77 కోట్లుగా నమోదయ్యాయి. గతేడాది ఇదే కాలంలో వచ్చిన రూ.17,059.65 కోట్లతో పోలిస్తే దాదాపు 20 శాతం వృద్ధి నమోదైంది. 2026-27 ఆర్థిక సంవత్సరానికి ఏపీ ప్రభుత్వం సొంత పన్ను ఆదాయ లక్ష్యాన్ని రూ.1,25,846 కోట్లుగా నిర్దేశించుకుంది. ఇందులో స్టేట్ జీఎస్టీనే అతిపెద్ద వాటాగా ఉంటుందని బడ్జెట్ అంచనాలు చెబుతున్నాయి. సొంత పన్ను ఆదాయాన్ని గత సవరించిన అంచనాలతో పోలిస్తే 28 శాతం పెంచాలని ప్రభుత్వం లక్ష్యంగా పెట్టుకుంది. ఏపీ సొంత పన్ను ఆదాయంలో వాణిజ్య పన్నులదే ప్రధాన వాటా. 2025-26 ఏప్రిల్-నవంబర్ మధ్య రాష్ట్ర సొంత పన్ను ఆదాయంలో వాణిజ్య పన్నుల వాటా 60 శాతానికి పైగా ఉందని రాష్ట్ర ఆర్థిక గణాంకాలు సూచిస్తున్నాయి.
ليست هناك تعليقات:
إرسال تعليق