సెప్టెంబర్ 21న ఫ్లిప్కార్ట్లో లావా విరాట్ కర్వ్ 5G లాంచ్ కానుంది. ఈ ఫోన్లో 3D కర్వ్డ్ 120Hz AMOLED డిస్ప్లే, వెనుక వైపు మినీ డిస్ప్లే, భారీ 6,000mAh బ్యాటరీ ఉండబోతున్నట్లు టీజర్లు స్పష్టం చేస్తున్నాయి. మీడియాటెక్ డైమెన్సిటీ 7100 ప్రాసెసర్తో ఇది రానుందని తెలుస్తోంది. మార్కెట్లో దీని ధర ₹15,000 నుంచి ₹20,000 మధ్య ఉండవచ్చనే అంచనాలు ఉన్నాయి. ఇప్పటికే ఫ్లిప్కార్ట్లో దీనికి సంబంధించిన మైక్రోసైట్ లైవ్లోకి వచ్చింది, 'Notify Me' ఆప్షన్ కూడా అందుబాటులో ఉంది. ఈ ఫోన్ హెరిటేజ్ ఇండిగో, మకరానా ఐవరీ కలర్ ఆప్షన్లతో, ప్రీమియం కర్వ్డ్ వేగన్ లెదర్ బ్యాక్ ఫినిషింగ్తో రానుంది. దీంతో పాటు IP64 డస్ట్ అండ్ స్ప్లాష్ రెసిస్టెన్స్, ఆండ్రాయిడ్ 16 ఆపరేటింగ్ సిస్టమ్తో రానున్నట్లు టీజ్ చేశారు. రెండేళ్ల OS అప్డేట్లు, మూడేళ్ల సెక్యూరిటీ ప్యాచ్లను అందించనున్నారు. ఇక ఫోన్ వెనుక భాగంలో ఉండే మినీ డిస్ప్లేలో టైమ్, బ్యాటరీ లెవెల్, వాల్యూమ్, మెసేజ్లు, నోటిఫికేషన్లతో పాటు మనకు నచ్చిన కస్టమ్ టెక్స్ట్ను కూడా సెట్ చేసుకోవచ్చు. బడ్జెట్ చిప్సెట్లతో పోలిస్తే ఈ డైమెన్సిటీ 7100 ప్రాసెసర్ పవర్ఫుల్ పర్ఫార్మెన్స్ ఇస్తుంది. ఇది 10-బిట్ HDR డిస్ప్లే, రిలీజ్-16 5G, 45W ఫాస్ట్ ఛార్జింగ్ మేనేజ్మెంట్కు సపోర్ట్ చేస్తుంది. స్నాప్డ్రాగన్ 4 జెన్ 2 ప్రాసెసర్తో వచ్చే రెడ్మీ 13 5G లాంటి ఫోన్లతో పోలిస్తే ఇందులో గేమింగ్ ఎక్స్పీరియన్స్ చాలా స్మూత్గా ఉంటుంది. అలాగే మోటో G64లోని డైమెన్సిటీ 7025 కంటే మెరుగైన పర్ఫార్మెన్స్ ఇస్తుందని ఆశించవచ్చు. 6,000mAh భారీ బ్యాటరీ, 45W ఛార్జింగ్ సపోర్ట్, కర్వ్డ్ AMOLED డిస్ప్లేల కాంబినేషన్తో వస్తుంది.
No comments:
Post a Comment