రిజర్వ్ బ్యాంక్ ఆఫ్ ఇండియా కొత్త నిబంధనలు 2026 అక్టోబర్ 1 నుంచి అమల్లోకి రానున్నాయి. కొత్త నిబంధనల ప్రకారం కమర్షియల్ బ్యాంకులు, స్మాల్ ఫైనాన్స్ బ్యాంకులు, ప్రాంతీయ గ్రామీణ బ్యాంకులు, కో-ఆపరేటివ్ బ్యాంకులకు వర్తించే డిపాజిట్ వడ్డీ విధానాల్లో మార్పులు ఉంటాయి. ఒకే బ్యాంకులో, ఒకే కాలవ్యవధి మరియు సమాన మొత్తానికి సంబంధించిన ఎఫ్డీలకు కేవలం బ్రాంచ్ మారిందనే కారణంతో వేర్వేరు వడ్డీ రేట్లు ఇవ్వకుండా ఉండేలా నిబంధనలు ఉద్దేశిస్తున్నాయి. అంటే ఒక కస్టమర్ హైదరాబాద్లోని ఒక బ్రాంచ్లో ఎఫ్డీ చేస్తే, మరో కస్టమర్ అదే బ్యాంకు మరో నగరంలోని బ్రాంచ్లో అదే రోజు, అదే మొత్తంతో, అదే కాలవ్యవధికి ఎఫ్డీచేస్తే వర్తించే రేటు ఒకే విధంగా ఉండాలి. పెద్ద మొత్తాల్లో చేసే ఎఫ్డీలను బల్క్ డిపాజిట్లుగా పరిగణిస్తారు. ఆర్బీఐ ప్రస్తుత సమాచార ప్రకారం షెడ్యూల్డ్ కమర్షియల్ బ్యాంకుల్లో రూ.3 కోట్లు లేదా అంతకంటే ఎక్కువ డిపాజిట్లు బల్క్ డిపాజిట్ల పరిధిలోకి వస్తాయి. అయితే ఇతర బ్యాంకుల విషయంలో వర్తించే పరిమితులు భిన్నంగా ఉండవచ్చు. బ్యాంకులు తమ లిక్విడిటీ అవసరాలు, మార్కెట్ పరిస్థితులకు అనుగుణంగా బల్క్ డిపాజిట్లపై వేర్వేరు వడ్డీ రేట్లను అందించే అవకాశం ఉంటుంది. కొత్త నిబంధనల వల్ల సాధారణ ఎఫ్డీ పెట్టుబడిదారులకు ముఖ్యంగా పారదర్శకత, సమానమైన వడ్డీ రేట్ల సమాచారం అందుబాటులోకి రావచ్చు. బ్యాంకు అధికారిక వెబ్సైట్లో వడ్డీ రేట్లను పరిశీలించవచ్చు. ఒకే బ్యాంకులో వివిధ బ్రాంచ్ల రేట్లను పోల్చాల్సిన అవసరం తగ్గుతుంది. ఎఫ్డీ కాలవ్యవధి, మొత్తానికి వర్తించే వడ్డీ రేటును ముందుగానే తెలుసుకోవచ్చు. పెద్ద మొత్తాల బల్క్ డిపాజిట్లకు ప్రత్యేక రేట్లు ఉండే అవకాశం ఉంది. కొత్త నిబంధనలు అమల్లోకి వచ్చినంత మాత్రాన ఇప్పటికే ఉన్న ప్రతి ఎఫ్డకి వడ్డీ రేటు ఆటోమేటిక్ గా మారిపోతుందని అర్థం కాదు. ఇప్పటికే బుక్ చేసిన ఎఫ్డీలకు వాటిని ప్రారంభించిన సమయంలో అంగీకరించిన నిబంధనలు, బ్యాంకు వర్తించే ఆర్బీఐ మార్గదర్శకాలు కీలకం. అందువల్ల ఎఫ్డీ ఇప్పటికే కొనసాగుతుంటే, దాని వడ్డీ రేటు లేదా మెచ్యూరిటీపై మార్పు ఉందని భావించే ముందు సంబంధిత బ్యాంకు నిబంధనలను పరిశీలించడం మంచిది.
ليست هناك تعليقات:
إرسال تعليق