శామ్‌సంగ్ గెలాక్సీ Z ఫోల్డ్ 8, ఫ్లిప్ 8 అమ్మకాలు ప్రారంభం

దేశీయ మార్కెట్లో శామ్‌సంగ్ సరికొత్త ప్రీమియం ఫోల్డబుల్ ఫోన్లు గెలాక్సీ Z ఫోల్డ్ 8 , ఫోల్డ్ 8 అల్ట్రా , ఫ్లిప్ 8 సేల్ ప్రారంభమైంది.ఈ ఫోన్లలో అందించిన ప్రీమియం ఫీచర్లకు తగ్గట్లే ధరలు కూడా ఉన్నాయి. గెలాక్సీ Z ఫ్లిప్ 8 ప్రారంభ ధర రూ. 1,24,999 కాగా, స్టాండర్డ్ గెలాక్సీ Z ఫోల్డ్ 8 ప్రారంభ ధర రూ. 1,79,999 గా ఉంది. ఇక మోస్ట్ ప్రీమియం ఫ్లాగ్‌షిప్ మోడల్ గెలాక్సీ Z ఫోల్డ్ 8 అల్ట్రా లాంచ్ ధర రూ. 1,99,999 గా నిర్ణయించారు. ఈ బేస్ మోడల్స్ అన్నింటిలోనూ 12GB ర్యామ్ లభిస్తుంది.ఈ ప్రీమియం ఫోన్ల ధరలు కాస్త ఎక్కువగానే ఉన్నప్పటికీ, కొనుగోలుదారులకు ఊరటనిచ్చేలా శామ్‌సంగ్ అదిరిపోయే ఫైనాన్స్ ఆప్షన్లను తీసుకొచ్చింది. కస్టమర్లు 30 నెలల నో-కాస్ట్ ఈఎంఐ  స్కీమ్‌ను ఎంచుకోవచ్చు. దీనితో పాటు, బ్యాంక్ డిస్కౌంట్ల ద్వారా రూ. 9,000 వరకు తక్షణ పొదుపు లభిస్తుంది. దీంతో ఈ లేటెస్ట్ ఫోల్డబుల్ డిస్‌ప్లే ఫోన్లను సొంతం చేసుకోవడం మరింత సులువు కానుంది.ఈ ప్రీమియం ఫోల్డబుల్ ఫోన్లు పవర్‌ఫుల్ హార్డ్‌వేర్‌తో వస్తున్నాయి. ఈ డివైజ్‌లు స్నాప్‌డ్రాగన్ 8 ఎలైట్ జెన్ 5 (Snapdragon 8 Elite Gen 5) ప్రాసెసర్‌తో కూడిన ఆండ్రాయిడ్ 17 ఆపరేటింగ్ సిస్టమ్‌పై రన్ అవుతాయి. అలాగే, మెరుగైన ఐపీ48 (IP48) డస్ట్ అండ్ వాటర్ రెసిస్టెన్స్ రేటింగ్‌ను కలిగి ఉన్నాయి. అయితే, ఫోన్ బాక్స్‌లో ఛార్జర్ రాదు కాబట్టి, మీరు 45W అడాప్టర్‌ను విడిగా కొనుగోలు చేయాల్సి ఉంటుంది.గ్రాఫైట్, క్రీమ్ వంటి స్టాండర్డ్ కలర్స్ అన్ని ప్లాట్‌ఫామ్స్‌లో అందుబాటులో ఉన్నాయి. అయితే, స్పెషల్ 'పిస్తాచియో' గెలాక్సీ Z ఫోల్డ్ 8 కలర్ వేరియంట్ మాత్రం కేవలం శామ్‌సంగ్ అధికారిక వెబ్‌సైట్‌లో మాత్రమే లభిస్తుంది.