అత్యంత పొడవైన జుట్టు ఉన్న మహిళగా గిన్నిస్ వరల్డ్ రికార్డు సృష్టించిన రేణు ధరియాల్

ప్రపంచంలోనే అత్యంత పొడవైన జుట్టు ఉన్న మహిళగా రేణు ధరియాల్ కొత్త గిన్నిస్ వరల్డ్ రికార్డు సృష్టించారు. ఉత్తరాఖండ్‌లోని హల్ద్వానీలో ఏప్రిల్‌ నెలలో ఈ రికార్డును అధికారికంగా ధృవీకరించారు. యూట్యూబర్, కంటెంట్ క్రియేటర్ అయిన రేణు ధరియాల్‌ నల్లని జుట్టు పొడవు 271.50 సెంటీమీటర్లు అంటే 8 అడుగుల 10 అంగుళాలు. ఇది ప్రపంచంలోనే అత్యంత ఎత్తైన వ్యక్తి రాబర్ట్ వాడ్లో ఎత్తు (272 సెం.మీ) కంటే స్వల్పంగా మాత్రమే తక్కువ. గతంలో ఉక్రెయిన్‌కు చెందిన అలియా నాసిరోవా పేరిట ఉన్న 257.33 సెం.మీ (8 అడుగుల 5.3 అంగుళాలు) రికార్డును రేణు బద్దలు కొట్టారు. రేణు, 2015 నుంచి తన జుట్టును ఒక్కసారి కూడా కత్తిరించకుండా చాలా జాగ్రత్తగా పెంచుతున్నారు.