కావ్య మారన్, అనిరుధ్ రవిచంద్రన్ వివాహం చేసుకోబోతున్నారంటూ సోషల్ మీడియాలో రకరకాల వార్తలు వైరల్ అవుతున్నాయి. వీరి పెళ్లికి సంబంధించిన కబురు ప్రస్తుతం సినీ మరియు క్రికెట్ వర్గాల్లో హాట్ టాపిక్గా మారింది. వీరి వివాహం ఈ ఏడాది నవంబర్ 10వ తేదీన గ్రీస్లో అత్యంత వైభవంగా డెస్టినేషన్ వెడ్డింగ్ రూపంలో జరగనున్నట్లు ప్రచారం జరుగుతోంది. అంతేకాకుండా, వీరిద్దరి మధ్య ఉన్న బంధాన్ని ఇటీవల నటుడు మహేంద్ర బహిరంగంగా ధృవీకరించినట్లు కూడా వార్తలు వినిపిస్తున్నాయి. అయితే, ఈ రూమర్లపై ఇప్పటివరకు ఇటు కావ్య మారన్ కుటుంబం కానీ, అటు అనిరుధ్ తరఫు వారు కానీ ఎలాంటి అధికారిక ప్రకటన చేయలేదు. ప్రముఖ సంగీత దర్శకుడు అనిరుధ్ రవిచంద్రన్ సూపర్స్టార్ రజనీకాంత్ సతీమణి లత సోదరుడి కుమారుడు అనే సంగతి తెలిసిందే. గతంలో అనిరుధ్ సంగీతం అందించిన బ్లాక్బస్టర్ సినిమా ‘జైలర్’ ఘనవిజయం సాధించిన సందర్భంగా, సన్ గ్రూప్ అధినేత, కావ్య మారన్ తండ్రి కళానిధి మారన్ స్వయంగా అనిరుధ్కు ఒక అత్యంత ఖరీదైన లగ్జరీ కారును కానుకగా బహుమతిగా అందించారు. ఆ సమయంలోనే వీరి మధ్య సత్సంబంధాలు బలపడ్డాయని, ఇప్పుడు అదే పరిచయం వివాహం వరకు వెళ్లినట్లు కోలీవుడ్ వర్గాల్లో గుసగుసలు వినిపిస్తున్నాయి.
ليست هناك تعليقات:
إرسال تعليق