దేశీయ మార్కెట్లో ఐక్యూ కొత్త Z సిరీస్ స్మార్ట్ఫోన్ను విడుదల చేసింది. ఐక్యూ జెడ్ 11 పేరుతో వచ్చిన ఈ ఫోన్ను "Faster, Smarter with AI" అనే ట్యాగ్లైన్తో లాంచ్ చేసింది. దీనిలో మీడియాటెక్ డైమెన్సిటీ 7500 టర్బో ప్రాసెసర్ను అందించారు. దేశంలో ఈ చిప్సెట్తో వచ్చిన తొలి స్మార్ట్ఫోన్గా నిలిచింది. 4nm ప్రాసెస్పై తయారైన ఈ ఆక్టాకోర్ ప్రాసెసర్ 2.6GHz వరకు క్లాక్ స్పీడ్ను అందిస్తుంది. Mali-G615 MC2 GPU గ్రాఫిక్స్ బాధ్యతలు నిర్వహిస్తుంది. ఆన్-డివైస్ AI టాస్క్ల కోసం మీడియాటెక్ 8వ తరం NPUను ఇందులో అందించారు. గేమింగ్, మల్టీటాస్కింగ్ సమయంలో ఉష్ణోగ్రతలను నియంత్రించేందుకు 3,800mm² వేపర్ ఛాంబర్ కూలింగ్ సిస్టమ్ను కూడా అందించారు. 6.83 అంగుళాల 3D కర్వ్డ్ AMOLED డిస్ప్లే ఉంది. ఇది 2800 × 1260 పిక్సెల్స్ 1.5K రిజల్యూషన్తో పాటు 144Hz రిఫ్రెష్ రేట్ను కలిగి ఉంటుంది. డిస్ప్లే గరిష్ఠంగా 2,000 నిట్స్ బ్రైట్నెస్ను అందిస్తుంది. HDR10+ సపోర్ట్ కూడా ఉంది. ఇక ఈ ఫోన్ కు IP68, IP69 రేటింగ్స్ను పొందింది. దీంతో దుమ్ము, నీరు వంటి వాటి నుంచి మెరుగైన రక్షణ లభిస్తుంది. ఫోన్ వెనుక భాగంలో డ్యూయల్ కెమెరా సెటప్ను అందించారు. ఇందులో OIS సపోర్ట్తో 50MP సోనీ IMX882 మెయిన్ కెమెరా ఉంది. దీనికి 8MP అల్ట్రా వైడ్ యాంగిల్ కెమెరా జత చేశారు. ఆరా లైట్ కూడా ఉంది. 4K వీడియో రికార్డింగ్కు సపోర్ట్ లభిస్తుంది. సెల్ఫీలు, వీడియో కాల్స్ కోసం ముందు భాగంలో 32MP కెమెరాను అందించారు. ఈ కెమెరా కూడా 4K వీడియో రికార్డింగ్కు సపోర్ట్ చేస్తుంది. ఫోన్లో 7,050mAh బ్లూవోల్ట్ బ్యాటరీని అందించారు. ఇది సుదీర్ఘ బ్యాటరీ బ్యాకప్ను అందించేలా రూపొందించారు. బ్యాటరీకి 44W ఫాస్ట్ ఛార్జింగ్ సపోర్ట్ ఉంది. iQOO Z11 ఆండ్రాయిడ్ 16 ఆధారిత OriginOS 6పై పనిచేస్తుంది. ఇందులో Origin Island అనే ఫీచర్ ఉంది. స్క్రీన్ పైభాగంలోని కెమెరా కటౌట్ చుట్టూ నావిగేషన్, మీడియా ప్లేబ్యాక్, టైమర్లు, అలారాలు వంటి రియల్టైమ్ అలర్ట్లను చూపిస్తుంది. ఈ ఫోన్కు 3 సంవత్సరాల ఆండ్రాయిడ్ ఓఎస్ అప్గ్రేడ్స్, 5 సంవత్సరాల సెక్యూరిటీ అప్డేట్స్ అందించనున్నట్లు కంపెనీ తెలిపింది. ఇన్-డిస్ప్లే ఆప్టికల్ ఫింగర్ప్రింట్ సెన్సార్, స్టీరియో స్పీకర్లు, యూఎస్బీ టైప్-C వంటి ఫీచర్లు కూడా ఉన్నాయి. కనెక్టివిటీ పరంగా 5G SA/NSA, డ్యూయల్ 4G VoLTE, Wi-Fi 6, బ్లూటూత్ 5.4, GPS, BeiDou, GLONASS, Galileo, QZSS వంటి ఫీచర్లు ఉన్నాయి.
ليست هناك تعليقات:
إرسال تعليق