బ్యాంకాక్ పబ్‌లో భారీ అగ్నిప్రమాదం : 27 మంది దుర్మరణం

థాయిలాండ్ రాజధాని బ్యాంకాక్‌లోని ఒక పబ్‌లో సోమవారం తెల్లవారుజామున భారీ అగ్నిప్రమాదం సంభవించింది. అగ్నిమాపక సిబ్బంది మంటలను అదుపులోకి తెచ్చేలోపే కనీసం 27 మంది మరణించినట్లు అధికారులు తెలిపారు. ఉత్తర భాగంలో ఉన్న ‘నా లాడ్‌ప్రో’ పబ్ ప్రధాన ద్వారం గుండా భారీ మంటలు మరియు దట్టమైన నల్లని పొగ ఎగసిపడుతున్న దృశ్యాలు సోషల్ మీడియాలో వైరల్ అయ్యాయి. బ్యాంకాక్‌లోని చాటుచాక్ జిల్లాలో అత్యంత ప్రజాదరణ పొందిన వినోద వేదికలలో ఒకదానిలో అగ్నిప్రమాదం జరిగింది. జెరూసలేం పోస్ట్ ప్రకారం, మంటలు చెలరేగిన సమయంలో పబ్ బాత్రూమ్ ద్వారా తప్పించుకునే ప్రయత్నంలో బాధితులు మరణించారు. వీడియోలో ఉన్నాయి దట్టమైన నల్లటి పొగ భవనాన్ని కమ్మేసి రాత్రి ఆకాశంలోకి వ్యాపిస్తుండగా, ప్రజలు తప్పించుకోవడానికి పరుగులు తీస్తున్న దృశ్యాలు ఘటనా స్థలం నుండి వచ్చిన వీడియోలలో కనిపించాయి. అరగంటలోపే మంటలు అదుపులోకి వచ్చాయి. అర్ధరాత్రి సమయంలో అగ్నిప్రమాదం గురించి తమకు సమాచారం అందిందని, దీంతో వెంటనే అత్యవసర చర్యలు చేపట్టామని సహాయక అధికారులు తెలిపారు. అగ్నిమాపక సిబ్బంది, సహాయక బృందాలు ఘటనా స్థలానికి చేరుకుని ప్రజలను సురక్షిత ప్రాంతాలకు తరలించడం, మంటలను ఆర్పే చర్యలు చేపట్టారు. మంటలను అదుపులోకి తీసుకురావడానికి అగ్నిమాపక సిబ్బందికి సుమారు అరగంట సమయం పట్టిందని అధికారులు తెలిపారు. ప్రమాదం తర్వాత తీసిన ఫోటోలలో కాలిపోయిన బల్లలు, కుర్చీలు, పబ్ లోపలి భాగం దెబ్బతిని ఉండటం కనిపిస్తోంది.