అక్టోబర్ 15న సూపర్ స్టార్ రజనీకాంత్ నటించిన, నెల్సన్ దిలీప్ కుమార్ దర్శకత్వంలో తెరకెక్కుతున్న జైలర్ 2 సినిమా విడుదల కానున్నట్లు అధికారికంగా ప్రకటించారు. సన్ పిక్చర్స్ బ్యానర్లో కళానిధి మారన్ నిర్మిస్తున్న ఈ చిత్రంపై అభిమానులు భారీ అంచనాలు పెట్టుకున్నారు. గతంలో ఇదే బృందం నుంచి వచ్చిన జైలర్ సినిమా బ్లాక్బస్టర్ హిట్ అయింది. ఆ విజయం తర్వాత సీక్వెల్గా తీస్తున్న ఈ చిత్రానికి ఇప్పటికే షూటింగ్ పూర్తయింది. ఈ సినిమాలో రజనీకాంత్తో పాటు మోహన్లాల్, శివ రాజ్కుమార్, రమ్యకృష్ణ వంటి స్టార్ నటులు కీలక పాత్రల్లో కనిపించనున్నారు. ఈ తారాగణం సినిమాకు అదనపు ఆకర్షణగా మారింది. అనిరుధ్ సంగీతం, రజనీకాంత్ స్టైలిష్ యాక్షన్, నెల్సన్ టేకింగ్తో జైలర్ సినిమా సృష్టించిన సెన్సేషన్ అందరికీ తెలిసిందే. ఇప్పుడు దాని సీక్వెల్ జైలర్ 2పై అదే స్థాయి అంచనాలు నెలకొన్నాయి. సన్ పిక్చర్స్ ఒక ప్రత్యేక వీడియో ద్వారా విడుదల తేదీని అధికారికంగా ప్రకటించింది.
ليست هناك تعليقات:
إرسال تعليق