కేరళలో షిగెల్లా ఇన్ఫెక్షన్ తీవ్ర ఆందోళన కలిగిస్తోంది. ఈ ప్రమాదకరమైన బ్యాక్టీరియా ఇన్ఫెక్షన్ సోకడంతో నాలుగేళ్ల ఓ చిన్నారి ప్రాణాలు కోల్పోయింది. ఈ విషాదం మరవకముందే మరో ఇద్దరికి షిగెల్లా ఇన్ఫెక్షన్ ఉన్నట్లు వైద్య పరీక్షల్లో నిర్ధారణ అయింది. వ్యాధి వ్యాప్తి చెందుతుండటంతో కేరళ రాష్ట్ర ప్రభుత్వం తీవ్రంగా స్పందించి, అప్రమత్తమైంది. ఈ ఇన్ఫెక్షన్ ప్రధానంగా కలుషిత నీరు, ఆహారం ద్వారా వ్యాపిస్తుండటంతో, నీటి కాలుష్యాన్ని నివారించేందుకు ప్రభుత్వం ప్రత్యేక చర్యలు చేపట్టింది. ఆరోగ్య శాఖకు చెందిన ప్రత్యేక బృందాలను ప్రభావిత ప్రాంతాలకు పంపించి, వ్యాధి లక్షణాలు, తీసుకోవాల్సిన జాగ్రత్తలపై ప్రజల్లో విస్తృతంగా అవగాహన కల్పిస్తున్నారు. మరోవైపు, రాష్ట్రంలోని పలువురు విద్యార్థులు విరేచనాలు, తీవ్రమైన కడుపు నొప్పి, జ్వరంతో బాధపడుతూ ఆస్పత్రుల్లో చేరడం స్థానికంగా మరింత ఆందోళనకు దారితీసింది. ఈ విషయంపై స్పందించిన ఆరోగ్య శాఖ మంత్రి మురళీధరన్ ప్రజలు భయపడాల్సిన అవసరం లేదని స్పష్టం చేశారు. ఆస్పత్రిలో చికిత్స పొందుతున్న విద్యార్థులకు సాధారణ ఇన్ఫెక్షన్లే వచ్చాయని, వారికి షిగెల్లా ఇన్ఫెక్షన్ సోకలేదని ఆయన అధికారికంగా వెల్లడించారు.
ليست هناك تعليقات:
إرسال تعليق