చెన్నైస్ అమృత ఇంటర్నేషనల్ ఏవియేషన్ కాలేజీలో అంతర్జాతీయ స్థాయి విమానయాన సంస్థ ఎయిర్ఏషియా మే 1న భారీ క్యాంపస్ రిక్రూట్మెంట్ డ్రైవ్ను నిర్వహించింది. చెన్నై వేదికగా జరిగిన ఈ రిక్రూట్మెంట్ డ్రైవ్, ఆసియాలోనే అత్యంత ప్రజాదరణ పొందిన విమానయాన సంస్థల్లో ఒకటైన ఎయిర్ఏషియాలో నేరుగా ఉద్యోగం సంపాదించే సువర్ణావకాశాన్ని విద్యార్థులకు కల్పించింది. సరసమైన ధరలకే విమాన ప్రయాణాన్ని సామాన్యులకు చేరువ చేసిన ఎయిర్ఏషియా, ప్రపంచవ్యాప్తంగా తన నెట్వర్క్ను విస్తరిస్తున్న తరుణంలో ఈ నియామక ప్రక్రియ ప్రాధాన్యత సంతరించుకుంది. విమానయాన, ఆతిథ్య విద్యలో చెన్నైస్ అమృత సంస్థకు తిరుగులేని గుర్తింపు ఉంది. ఇప్పటికే చెన్నై, బెంగళూరు, హైదరాబాద్, విజయవాడ వంటి నగరాల్లో తన క్యాంపస్ల ద్వారా సుమారు 31,651 మందికి పైగా విద్యార్థులకు శిక్షణనిచ్చి, వారిని విమానయాన నిపుణులుగా తీర్చిదిద్దింది. అంతర్జాతీయ ప్రమాణాలతో కూడిన శిక్షణను అందించడంలో ఈ సంస్థ నిరంతరం కృషి చేస్తోంది. ఈ కార్యక్రమంలో కౌలాలంపూర్కు చెందిన ఎయిర్ఏషియా రెడ్క్యూ ఏఓసీ లైన్ మెయింటెనెన్స్ విభాగాధిపతి శరవణన్ రాజ్ మునిసామి పాల్గొని విద్యార్థులతో ముచ్చటించారు. విమానయాన రంగంలో ఉండే వృత్తిపరమైన సవాళ్లు, ఆపరేషనల్ ఎక్సలెన్స్ , గ్లోబల్ కెరీర్ అవకాశాల గురించి ఆయన విలువైన సమాచారాన్ని పంచుకున్నారు. ఈ సందర్భంగా చెన్నైస్ అమృత గ్రూప్ ఆఫ్ ఇన్స్టిట్యూషన్స్ ఛైర్మన్ బూమీ నాథన్ సమక్షంలో, మలేషియా మాజీ ఉప మంత్రి డాటో సెరి డాక్టర్ ఎస్. కె. దేవమణి చేతుల మీదుగా కళాశాలలో నూతన ఆడిటోరియం ప్రారంభోత్సవం జరిగింది. ఈ డ్రైవ్ ద్వారా ఎంపికైన అభ్యర్థులు తొలుత ఎయిర్ఏషియాలో ఆరు నెలల పాటు ఇంటర్న్షిప్ చేస్తారు. ఈ కాలంలో వారి పనితీరును బట్టి, వారిని పూర్తిస్థాయి ఉద్యోగులుగా నియమించుకునే అవకాశం ఉంటుంది. ఇది విద్యార్థులకు కేవలం ఉద్యోగమే కాకుండా, అంతర్జాతీయ స్థాయిలో పని అనుభవాన్ని పొందే మార్గాన్ని సుగమం చేస్తుంది.
ليست هناك تعليقات:
إرسال تعليق