సోషల్ మీడియా యాప్ స్నాప్చాట్ మాతృసంస్థ స్నాప్ ఇంక్ 15 నుండి 20 శాతం మేర ఉద్యోగులను తొలగించాలని నిర్ణయించుకుంది. ఈ భారీ లేఆఫ్స్ కారణంగా కొన్ని విభాగాల్లో సిబ్బంది సగానికి తగ్గిపోయే అవకాశం ఉందని సమాచారం. ఈ తొలగింపులకు ఆర్టిఫిషియల్ ఇంటెలిజెన్స్ ఎంతవరకు కారణమనేది స్పష్టంగా తెలియనప్పటికీ, కంపెనీ తన ప్రాధాన్యతలను మార్చుకుంటున్నట్లు కనిపిస్తోంది. ప్రస్తుతం స్నాప్ ఇంక్ తన పూర్తి దృష్టిని ఆగ్మెంటెడ్ రియాలిటీ స్మార్ట్ గ్లాసెస్ అభివృద్ధిపై పెట్టింది. ఇందుకోసం స్పెక్స్ అనే విభాగాన్ని ప్రత్యేక విభాగంగా మార్చి, అక్కడ కొత్తగా నియామకాలు చేపడుతోంది. మెటా గ్లాసెస్తో పోటీ పడటమే లక్ష్యంగా స్నాప్ ఈ అడుగులు వేస్తోంది.
ليست هناك تعليقات:
إرسال تعليق