మెటాలో ఉద్యోగ కోతల పర్వం మే 20న ప్రారంభం కానుంది. మొదటి దశలోనే సుమారు 8,000 మంది ఉద్యోగులపై ఈ ప్రభావం పడనుంది. 2026 చివరి నాటికి మొత్తం 16,000 మందిని తొలగించాలని కంపెనీ భావిస్తోంది. గతంలో 2022-23 మధ్య కాలంలో మెటా ఇప్పటికే 21,000 మందిని తొలగించింది. ఆ కాలాన్ని మార్క్ జుకర్బర్గ్ "సమర్థత సంవత్సరం"గా అభివర్ణించగా, తాజా కోతలు కంపెనీని పూర్తిగా 'ఏఐ ఆధారిత సంస్థ'గా మార్చే ప్రక్రియలో భాగమని తెలుస్తోంది. ఉద్యోగులను తొలగిస్తున్నప్పటికీ, పెట్టుబడుల విషయంలో మాత్రం మెటా వెనక్కి తగ్గడం లేదు. ఈ ఏడాది కృత్రిమ మేధస్సు విస్తరణ కోసం సుమారు $135 బిలియన్ల (దాదాపు ₹11 లక్షల కోట్లు) భారీ మూలధన వ్యయాన్ని కేటాయిస్తోంది. జనరేటివ్ ఏఐ టూల్స్, మెషిన్ లెర్నింగ్ సిస్టమ్స్, అధునాతన చిప్లు మరియు భారీ డేటా సెంటర్ల నిర్మాణానికి ఈ నిధులను వెచ్చించనుంది. అంటే, మనుషుల కంటే యంత్రాల తెలివితేటలకే మెటా ఎక్కువ ప్రాధాన్యత ఇస్తోందని స్పష్టమవుతోంది. ప్రస్తుతం మెటా తన ఇంటర్నల్ టీమ్స్ ను ఏఐ ప్రాధాన్యతలకు అనుగుణంగా మారుస్తోంది. సాధారణ కోడింగ్ చేసే ఇంజనీర్లను పక్కన పెట్టి, క్లిష్టమైన పనులను నిర్వహించగల స్వయంప్రతిపత్త వ్యవస్థల ప్రాజెక్టులకు నిపుణులను కేటాయిస్తోంది. ఏఐ ఉత్పత్తుల విడుదలను వేగవంతం చేయడానికి ప్రత్యేక విభాగాలను కూడా సృష్టించింది. ఈ పరిణామాలు టెక్ రంగంలో కొత్త నైపుణ్యాల అవసరాన్ని నొక్కి చెబుతున్నాయి.
ليست هناك تعليقات:
إرسال تعليق