సూర్యరశ్మితో నడిచే సోలార్ కిచెన్ ని ఏర్పాటు చేసుకోవడానికి కేంద్ర ప్రభుత్వం భారీగా సబ్సిడీని కూడా అందిస్తోంది. సోలార్ కిచెన్ అంటే కేవలం ఎండలో వంట చేయడం కాదు. ఇంటి పైన సోలార్ ప్యానెల్స్ అమర్చి, ఆ శక్తిని వంట గదిలోని ఇండెక్షన్ స్టవ్ లేదా సోలార్ కుక్కర్కు అనుసంధానిస్తారు. ముఖ్యంగా ఇండియన్ ఆయిల్ కార్పొరేషన్ వారు ‘సూర్య నూతన్’ అనే రీఛార్జబుల్ సోలార్ స్టవ్ను మార్కెట్లోకి తెచ్చారు. ఇది పగలు ఎండలో ఛార్జ్ అవుతుంది మరియు రాత్రి పూట కూడా వంట చేసుకోవడానికి వీలుగా ఉంటుంది. పునరుత్పాదక శక్తిని ప్రోత్సహించేందుకు కేంద్ర ప్రభుత్వం ‘పీఎం సూర్య ఘర్’ వంటి పథకాల ద్వారా సోలార్ సిస్టమ్స్ ఏర్పాటుకు సబ్సిడీ ఇస్తోంది. మీ ఇంటి పైన సోలార్ ప్యానెల్స్ అమర్చుకుంటే, కిలోవాట్ సామర్థ్యాన్ని బట్టి 30% నుండి 40% వరకు సబ్సిడీ పొందే అవకాశం ఉంది. ఇక దీనివల్ల ప్రారంభంలో పెట్టే పెట్టుబడి భారం తగ్గుతుంది. గ్యాస్ సిలిండర్ల మీద ఆధారపడటం పూర్తిగా తగ్గిపోతుంది. ఒకసారి సోలార్ సెటప్ చేసుకుంటే దాదాపు 20 ఏళ్ల వరకు మీకు వంట గ్యాస్ ఖర్చు ఉండదు. ఇది ఎకో - ఫ్రెండ్లీ పద్ధతి కాబట్టి కాలుష్యం ఉండదు. గ్యాస్ లీకేజీ భయం లేదా సిలిండర్ అయిపోతుందనే టెన్షన్ ఉండదు. ముఖ్యంగా గృహిణులకు ఇది చాలా సేఫ్ మరియు సౌకర్యవంతమైన ఆప్షన్. ఇక వేల రూపాయల గ్యాస్ బిల్లును మీరు సున్నాకి తీసుకురావచ్చు. ప్రస్తుత ప్రత్యామ్నాయం: ప్రస్తుతం చాలా కంపెనీలు ఇండోర్ సోలార్ కుకింగ్ సిస్టమ్స్ను అందిస్తున్నాయి. ఇవి చూడటానికి నార్మల్ స్టవ్ లాగే ఉంటాయి కానీ బ్యాటరీ సపోర్ట్ కలిగి ఉంటాయి. సూర్యరశ్మి సరిగ్గా లేని రోజుల్లో కూడా బ్యాటరీలో సేవ్ అయిన పవర్ ద్వారా వంట చేసుకోవచ్చు. ఇక ఇది మన దేశంలోని మధ్యతరగతి కుటుంబాలకు ఒక గొప్ప అల్ట్రానేటివ్ అని చెప్పవచ్చు.
ليست هناك تعليقات:
إرسال تعليق