తెలంగాణ ఫోన్ ట్యాపింగ్ కేసులో మాజీ ఐపీఎస్ అధికారి ప్రభాకర్ రావును వెంటనే అరెస్టు చేయవద్దని సుప్రీంకోర్టు జస్టిస్ బీవీ నాగరత్న నేతృత్వంలోని బెంచ్ నిర్ణయం తీసుకుంటూ ముందస్తు బెయిల్ మంజూరు చేసింది. అయితే ఈ ఉపశమనం కొన్ని షరతులతోనే వర్తిస్తుందని కోర్టు స్పష్టం చేసింది. కోర్టు ఆదేశాల ప్రకారం, ఫోన్ ట్యాపింగ్ కేసులో కొనసాగుతున్న దర్యాప్తుకు ప్రభాకర్ రావు పూర్తిగా సహకరించాల్సి ఉంటుంది. దర్యాప్తు అధికారులను తప్పుదోవ పట్టించేలా ఎలాంటి చర్యలు తీసుకోకూడదని, కేసుకు సంబంధించిన సాక్ష్యాలను ప్రభావితం చేసే ప్రయత్నం చేయరాదని స్పష్టం చేసింది. అంతేకాదు, ఈ కేసులో ఉన్న సాక్షులను ప్రభావితం చేయడం లేదా ఆధారాలను చెడగొట్టే ప్రయత్నం చేస్తే ముందస్తు బెయిల్ను వెంటనే రద్దు చేసే అవకాశముందని కూడా హెచ్చరించింది. దర్యాప్తు ప్రక్రియలో భాగంగా ప్రభాకర్ రావు అన్ని చట్టపరమైన నిబంధనలు పాటించాల్సిందేనని కోర్టు పేర్కొంది. అలాగే ట్రయల్ కోర్టు అనుమతి లేకుండా ఆయన ప్రయాణించరాదని, తన పరిధిని విడిచి వెళ్లకూడదని కూడా ఆదేశించింది. ఈ నేపథ్యంలో ప్రభాకర్ రావు సిట్ అధికారులు అడిగినప్పుడు విచారణకు హాజరై సహకరించాల్సి ఉంటుంది.
ليست هناك تعليقات:
إرسال تعليق