ప్రపంచంలో 5జీ నెట్వర్క్ వినియోగంలో చైనా మొదటి స్థానంలో, ఇండియా రెండో స్థానంలో నిలిచింది. ఇండియాలో 5జీ యూజర్ల సంఖ్య 40 కోట్ల మార్కును దాటిందని కేంద్ర మంత్రి జ్యోతిరాదిత్య సింధియా "ఎక్స్" వేదికగా వెల్లడించారు. 5జీ నెట్వర్క్ వినియోగంలో 110 కోట్ల యూజర్లతో చైనా తొలిస్థానంలో నిలిచింది.40 కోట్ల యూజర్లతో రెండో స్థానంలో ఇండియా,35 కోట్ల యూజర్లతో అమెరికా మూడోస్థానంలో, 20 కోట్ల మంది యూజర్లతో యూరోపియన్ యూనియన్ నాలుగో స్థానంలో, తర్వాత స్థానంలో 19 కోట్ల యూజర్లు కలిగిన జపాన్ ఉంది. "400 మిలియన్లకు పైగా 5G యూజర్లతో, భారతదేశం నేడు ప్రపంచంలో రెండవ అతిపెద్ద 5G సబ్స్క్రైబర్ బేస్గా , ప్రపంచవ్యాప్తంగా అత్యంత వేగంగా స్వీకరించే దేశాలలో ఒకటిగా నిలిచింది" అని సింధియా X పోస్ట్లో పేర్కొన్నారు. దేశంలో 2022లో 5జీ సేవలు అందుబాటులోకి వచ్చాయి. 5G సేవలు ప్రారంభించినప్పటి నుండి, ఇప్పుడు దేశవ్యాప్తంగా 99.6% మేజర్ బేస్తో ,దేశంలో 85% జనాభా కవరేజీతో అందుబాటులో ఉన్నాయి. మార్చి 2025 నాటికి, దేశవ్యాప్తంగా టెలికాం సర్వీస్ ప్రొవైడర్లు 4.69 లక్షల 5G బేస్ ట్రాన్స్సీవర్ స్టేషన్లను ఏర్పాటు చేయబడ్డాయి. డిసెంబర్ 2025లో కమ్యూనికేషన్ల మంత్రిత్వ శాఖ విడుదల చేసిన డేటా ప్రకారం, దేశవ్యాప్తంగా అత్యంత వేగవంతమైన 5G నెట్వర్క్లలో ఒకటి. 5G ప్రారంభించినప్పటి నుండి, దాదాపు 25 కోట్ల మంది మొబైల్ యూజర్లు 5G సేవలను ఉపయోగించడం ప్రారంభించారని , దేశవ్యాప్తంగా 4.69 లక్షల 5G BTS లను వ్యవస్థాపించారని మంత్రిత్వ శాఖ పేర్కొంది. మారుమూల ప్రాంత కనెక్టివిటీ గురించి పేర్కొంటూ, గ్రామీణ ప్రాంతాల్లో టెలిఫోన్ కనెక్షన్లు 42.9% పెరిగాయని,ఇది పట్టణ పెరుగుదల కంటే దాదాపు రెట్టింపని, మార్చి 2014లో 377.78 మిలియన్ల నుండి సెప్టెంబర్ 2025లో 539.83 మిలియన్లకు పెరిగిందని మంత్రిత్వ శాఖ పేర్కొంది. భారతదేశంలో ఇంటర్నెట్ కనెక్షన్లు 100 కోట్ల మైలురాయిని దాటి 100.29 కోట్లకు చేరుకున్నాయని, 2014 మార్చిలో 25.15 కోట్లుగా ఉన్నాయని, 298.77% వృద్ధిని నమోదు చేశామని మంత్రిత్వ శాఖ తెలిపింది. ఇండియాలోని ప్రముఖ టెలికాం సంస్థలైన జియో,ఎయిర్టెల్ వేగంగా 5జీ సేవలను విస్తరించాయి. వొడాఫోన్ ఐడియా కూడా 5జీ సేవలను ప్రారంభించింది. ప్రభుత్వ టెలికాం సంస్థ బీఎస్ఎన్ఎల్ దేశవ్యాప్తంగా ఉన్నటువంటి 4జీ నెట్వర్క్ను త్వరలో 5జీకీ అప్గ్రేడ్ చేయనుంది. భారతదేశ ఇంటర్నెట్ కనెక్షన్లు 100 కోట్ల మైలురాయిని దాటి 100.29 కోట్లకు చేరుకున్నాయని, 2014 మార్చిలో 25.15 కోట్లుగా ఉన్నాయని, 298.77% వృద్ధిని నమోదు చేసిందని కేంద్ర మంత్రిత్వ శాఖ వెల్లడించింది.
ليست هناك تعليقات:
إرسال تعليق