పాకిస్తాన్ చరిత్రలో చట్టవ్యతిరేక, రహస్య అణు కార్యకలాపాలు కొత్తవి కావని భారత విదేశాంగ మంత్రిత్వ శాఖ అధికార ప్రతినిధి రంధీర్ జైస్వాల్ అన్నారు. ఇస్లామాబాద్ అనేక దశాబ్దాలుగా అక్రమ రవాణా, ఎగుమతి నియంత్రణ ఉల్లంఘనలు, రహస్య భాగస్వామ్యాలు, ఏక్యూ ఖాన్ నెట్వర్క్ ద్వారా అణు విస్తరణ లాంటి చర్యల్లో పాలుపంచుకుంటూనే ఉందని ఆరోపించారు. ఈ విషయాలపై భారత్ అంతర్జాతీయ సమాజ దృష్టికి తీసుకెళ్తుందన్నారు. కాగా, అమెరికా అధ్యక్షుడు ట్రంప్ మాట్లాడుతూ రష్యా, చైనా, పాకిస్తాన్, ఉత్తర కొరియా రహస్యంగా అణు పరీక్షలు నిర్వహిస్తున్నాయి అన్నారు. ట్రంప్ వ్యాఖ్యల తర్వాత సోషల్ మీడియాలో విస్తృత చర్చ కొనసాగుతుంది.. ఈ ఏడాది ఏప్రిల్ 30 నుంచి మే 12 మధ్య ఆఫ్ఘనిస్తాన్-పాకిస్తాన్ ప్రాంతాల్లో సంభవించిన 4.0 నుంచి 4.7 తీవ్రత గల భూకంపాల నేపథ్యంలో పాకిస్తాన్ రహస్యంగా అణు పరీక్షలు నిర్వహించిందేమోనన్న అనుమానాలు వ్యక్తమవుతున్నాయి. అయితే, పాకిస్తాన్ చివరిసారిగా 1998లో చాగై-I, చాగై-II అణు పరీక్షలు నిర్వహించింది. కాగా, భారతదేశం అదే సంవత్సరం రాజస్థాన్లోని పోఖ్రన్లో చేసిన అణు పరీక్షలకు ప్రతిస్పందనగా ఇస్లామాబాద్ అణు పరీక్షలు చేపట్టింది. అప్పటి నుంచి పాకిస్తాన్ ఎలాంటి అణు పరీక్షలు అధికారికంగా జరిపినట్లు రికార్డుల్లో ఎక్కడ లేవు.
ليست هناك تعليقات:
إرسال تعليق