హర్యానా లోని ఫరీదాబాద్లో ఉగ్రవాద కార్యకలాపాలకు పాల్పడుతున్నారనే అనుమానంతో డాక్టర్ షహీన్ షాహిద్ ని అరెస్టు చేశారు. జైషే మహిళా కమాండర్ డాక్టర్ షాహీన్ షాహిద్ అని నిఘా వర్గాలు చెబుతున్నాయి. ఆమెకు భారతదేశంలో “జమాత్-ఉల్-మోమినాత్” కమాండర్గా బాధ్యతలు అప్పగించారు. మానసిక యుద్ధం, మత ప్రచారం, నిధుల సేకరణ వంటి పనుల్లో మహిళలు పాల్గొంటున్నారు. డాక్టర్ షాహీన్ షాహిద్ లక్నో నివాసి. ఫరీదాబాద్లోని అల్ ఫలాహ్ విశ్వవిద్యాలయంలో పనిచేస్తున్నారు. ముజమ్మిల్ తన కారులో ఏకే-47 దాచడానికి అనుమతించిన సమాచారం ఆధారంగా ఫరీదాబాద్ పోలీసులు ఆమెను అరెస్టు చేశారు. దర్యాప్తులో ఆమె ఈ ఉగ్రవాద నెట్వర్క్లో భాగమని తేలింది. ఆమెకు జైష్-ఎ-మొహమ్మద్ చీఫ్ మసూద్ అజార్ సోదరి షాహిదా అజార్తో పరిచయం ఉంది. ఆమె ఆదేశం మేరకు, భారతదేశంలో జైష్ కోసం మహిళా ఉగ్రవాద దళాన్ని సిద్ధం చేస్తోంది. ఆమెకు జైష్కు చెందిన జమాత్ ఉల్ మోమినాత్ సంస్థతో అనుబంధం ఉంది. హర్యానా లోని ఫరీదాబాద్తో పాటు పుల్వామాలో సోదాలు కొనసాగుతున్నాయి. ఢిల్లీ పేలుళ్లలో కశ్మీరీ డాక్టర్లే కీలక సూత్రధారులుగా వ్యవహరించడం తీవ్ర కలకలం రేపుతోంది. ఢిల్లీ పేలుడుపై ఇప్పటికే ప్రత్యేక బృందాలు దర్యాప్తు చేస్తున్నాయి. ఢిల్లీలో నిన్న సాయంత్రం జరిగిన పేలుడు తర్వాత, దేశవ్యాప్తంగా చాలా మంది వైద్యులపై నిఘా పెట్టారు. ఈ కేసుకు సంబంధించి ప్రస్తుతం అనేక మంది వైద్యులను ప్రశ్నిస్తున్నారు. పేలుడు జరిగినప్పటి నుండి లక్నో నుండి కాశ్మీర్ వరకు ఉన్న ప్రదేశాలలో దాడులు జరిగాయి. ఈ వైద్యులందరూ ఒకరితో ఒకరు సంబంధం కలిగి ఉన్నారని, వారు ఢిల్లీ పేలుడుకు ప్లాన్ చేశారని దర్యాప్తు సంస్థలు భావిస్తున్నాయి.
No comments:
Post a Comment