ఇండోర్ వేదికగా జరిగిన మహిళల ప్రపంచకప్-2025లో సౌతాఫ్రికాతో జరిగిన మ్యాచ్లో ఆస్ట్రేలియా స్టార్ స్పిన్నర్ అలానా కింగ్ 7 వికెట్లు పడగొట్టింది. టాస్ ఓడి తొలుత బ్యాటింగ్కు దిగిన సౌతాఫ్రికా కింగ్ బౌలింగ్ ధాటికి 16.5 ఓవర్లలో కేవలం 97 పరుగులకే కుప్పకూలింది. మొత్తంగా 7 ఓవర్లు బౌలింగ్ చేసిన కింగ్ కేవలం 18 పరుగులు మాత్రమే ఇచ్చి ఏడు వికెట్లను తన ఖాతాలో వేసుకుంది. ఈ క్రమంలో కింగ్ పలు అరుదైన రికార్డులను తన పేరిట లిఖించుకుంది. మహిళల ప్రపంచ కప్లో అత్యుత్తమ బౌలింగ్ గణాంకాలు నమోదు చేసిన ప్లేయర్గా కింగ్ చరిత్ర సృష్టించింది. ఇప్పటివరకు ఈ రికార్డు జాకీ లార్డ్ పేరిట ఉండేది. 1982 ప్రపంచకప్లో లార్డ్ భారత్పై 10 పరుగులిచ్చి 6 వికెట్లు పడగొట్టింది. తాజా మ్యాచ్తో 33 ఏళ్ల ఆల్టైమ్ రికార్డును కింగ్ బ్రేక్ చేసింది. అదేవిధంగా మహిళల వన్డే క్రికెట్లో అత్యంతవేగంగా ఫైవ్ వికెట్ హాల్ (బంతుల పరంగా) సాధించిన బౌలర్గా కింగ్ నిలిచింది. కింగ్ కేవలం 21 బంతుల్లోనే ఈ ఫీట్ను అందుకుంది.
ليست هناك تعليقات:
إرسال تعليق