బంగ్లాదేశ్ లో ఉండుంటే నా ప్రాణానికే కాకుండా నా చుట్టూ ఉన్నవారి ప్రాణాలకు కూడా ప్రమాదం ఏర్పడేదని మాజీ ప్రధానమంత్రి షేక్ హసీనా ఒక ఇంటర్వ్యూలో పేర్కొన్నారు. ఆగస్టులో బంగ్లాదేశ్లో చోటుచేసుకున్న హింసాత్మక తిరుగుబాటు అనంతరం ఆమె దేశం విడిచి వెళ్లడం గ్లోబల్ చర్చగా మారింది. ఈ నేపథ్యంలో ఆమె చేసిన ఈ వ్యాఖ్యలు రాజకీయ వర్గాల్లో మళ్లీ చర్చకు దారితీశాయి. హసీనా మాట్లాడుతూ, 'నేను ప్రజాస్వామ్య పునరుద్ధరణకు కట్టుబడి ఉన్నాను. దేశంలో చట్టబద్ధమైన పాలనను తిరిగి తీసుకురావడమే నా లక్ష్యం' అని తెలిపారు. ఆగస్టులో జరిగిన సంఘటనలు ప్రజాస్వామ్య వ్యవస్థను కూల్చే ప్రయత్నాలు అని ఆమె విమర్శించారు. తాను అధికారంలో ఉన్న సమయంలో కొన్ని వర్గాలు కుట్రలు పన్నాయని, అదే దేశంలో స్థిరత్వానికి పెద్ద సవాలు అయ్యిందని పేర్కొన్నారు. తనపై నమోదైన కేసులు రాజకీయ ప్రతీకార చర్యల ఫలితమని హసీనా అన్నారు. 'ఇంటర్నేషనల్ క్రైమ్స్ ట్రిబ్యునల్ నాకు మరణశిక్ష విధించినా ఆశ్చర్యం లేదు. అది బూటకపు విచారణ మాత్రమే' అని ఆమె తీవ్ర ఆరోపణలు చేశారు. ప్రస్తుతం రాజకీయ పరిస్థితులు ఇంకా క్లిష్టంగానే ఉన్నాయని విశ్లేషకులు చెబుతున్నారు. షేక్ హసీనా మళ్లీ రాజకీయంగా తిరిగి ప్రవేశించే ప్రయత్నాలు చేస్తున్నారని, ఆమె మద్దతుదారులు అంతర్జాతీయ వేదికలపై న్యాయపరమైన రక్షణ కోసం ప్రచారం ప్రారంభించినట్లు సమాచారం.
ليست هناك تعليقات:
إرسال تعليق