జర్మనీలో భారతీయ ఉద్యోగులకు భారీ డిమాండ్​ ?

జర్మనీని ఆకర్షణీయ గమ్యస్థానంగా ప్రోత్సహించడానికి స్కోల్జ్, కార్మిక మంత్రి హ్యూబెర్టస్ హీల్, ఇతర ప్రభుత్వ ప్రతినిధులు వచ్చే వారం భారతదేశానికి రానున్నారు. కెనడా, యూకే, న్యూజిలాండ్ వంటి దేశాలు వలసదారులకు తలుపులు మూసేస్తున్న తరుణంలో జర్మనీ నుంచి ఇలాంటి వార్తలు అందడం భారతీయులకు నిజంగా మంచి విషయమే. జర్మనీ ప్రస్తుతం వృద్ధాప్య జనాభా, అర్హత కలిగిన కార్మికుల కొరతతో ఇబ్బంది పడుతోంది. ఇటు ప్రపంచంలో అత్యధిక జనాభా కలిగిన దేశంగా ఉన్న భారతదేశం శ్రామిక శక్తిలోకి పెద్ద సంఖ్యలో యువకులను కలిగి ఉంది. ఇంతకాలం భారత దేశీయ కార్మిక మార్కెట్ పెరుగుతున్న శ్రామిక శక్తిని అందిపుచ్చుకోలేక పోవడం, తగినంత కొత్త కార్మికులు లేకపోవడంతో జర్మనీ చాలా సమస్యలు చూసింది. వీటికి చెక్​ పెట్టేందుకు ఇప్పుడు కీలక నిర్ణయాలు తీసుకుంది. ఫుల్​ టైమ్​ భారతీయ ఉద్యోగులకు జర్మనీ సగటు స్థూల నెలసరి వేతనం సుమారు 5,400 యూరోలు. అంటే సుమారు రూ.4,92,037. ఇది మొత్తం మీద ఫుల్ టైమ్ ఉద్యోగుల సగటు వేతనం కంటే 41% ఎక్కువ. జర్మనీ సాపేక్షంగా తక్కువ జీవన ఖర్చులకు ప్రసిద్ధి చెందింది. దీని ప్రకారం విశ్వవిద్యాలయ గృహనిర్మాణం సాధారణంగా నెలకు 200 నుండి 350 యూరోల వరకు ఖర్చు అవుతుంది. భాగస్వామ్య ప్రైవేట్ గదుల ఖర్చు 300- 650 యూరోల మధ్య, ప్రైవేట్ సింగిల్ గదుల ఖర్చు 450 నుంచి 750 యూరోల మధ్య, స్టూడియో అపార్ట్ మెంట్లు 800 నుంచి 1,400 మధ్య ఖర్చు అవుతాయి. యుటిలిటీస్, ఆహారం సాధారణంగా 200 నుంచి 350 మధ్య ఖర్చు అవుతాయి. రవాణా, ఇతర ఇతర ఖర్చులు 50 నుంచి 100 మధ్య ఉంటాయి. ఫ్యామిలీ రీయూనిఫికేషన్​ పాలసీల కారణంగా భారతీయ కార్మికులు తమ కుటుంబాలను కూడా తీసుకురావచ్చు. జర్మనీ 2024 చివరి నాటికి డిజిటల్ వీసాను ప్రవేశపెట్టనుంది. ఇది దరఖాస్తు ప్రక్రియను వేగవంతం చేస్తుంది. అర్హతలను గుర్తించే ప్రక్రియ, ముఖ్యంగా మెడికల్, టెక్నికల్ రోల్స్ విషయానికి వస్తే క్రమబద్ధీకరించడం జరుగుతుంది. జర్మనీలో జీవితానికి అలవాటు పడేందుకు కార్మికులకు ప్రభుత్వం కల్చరల్ ఇంటిగ్రేషన్ ట్రైనింగ్ ఇవ్వనుంది. వీటన్నింటితో పాటు ఇప్పటికే అక్కడ ఉన్న భారతీయ కార్మికులకు అప్ స్కిల్ అవకాశాలను కల్పించడం, భారతీయ ఔత్సాహిక పారిశ్రామికవేత్తలకు కూడా మద్దతు ఇవ్వడంపై జర్మనీ దృష్టి సారించింది. జర్మన్ ప్రభుత్వం భారతదేశంలో జాబ్ మేళాలను నిర్వహిస్తుంది. ఇది భారతీయ కార్మికులకు భావి జర్మన్ యజమానులకు మధ్య బంధాన్ని బలోపేతం చేస్తుంది.