ఎమ్మెల్సీ కవిత జైలు నుంచి విడుదల

ఢిల్లీ లిక్కర్ స్కాం కేసులో బెయిల్ పొందిన ఎమ్మెల్సీ కవిత జైలు నుంచి విడుదలయ్యారు. 166 రోజుల తర్వాత జైలు నుంచి విడుదలైన ఆమె కొడుకును, భర్తను హత్తుకుని భావోద్వేగానికి గురయ్యారు. ఈ సందర్భంగా ఆమె మాట్లాడుతూ తాను కేసీఆర్ బిడ్డనని, తప్పు చేయనన్నారు. అనవసరంగా తనను జగమొండిగా మార్చారన్నారు. 18 ఏళ్ల రాజకీయ జీవితంలో ఎన్నో ఎత్తుపల్లాలను చూశానని.. నన్ను ఇబ్బంది పెట్టినందుకు మూల్యం చెల్లించుకుంటారని వ్యాఖ్యానించారు. ఈ రోజు ఢిల్లీల్లో విశ్రాంతి తీసుకోనున్న కవిత రేపు హైద్రాబాద్‌కు రానునున్నారు. ఇదిలావుంటే.. ఎమ్మెల్సీ కవిత విడుదల నేపథ్యంలో బీఆర్ఎస్ శ్రేణులు సంబరాలు చేసుకుంటున్నారు.