జీ మెయిల్ రిప్లై కోసం చాట్ స్టైల్ ఇంటర్ఫేస్ను తీసుకొచ్చేందుకు గూగుల్ యత్నిస్తోంది. మరో మూడు నెలల్లో దీన్ని జీమెయిల్ యూజర్లకు అందుబాటులోకి తెచ్చే ఛాన్స్ ఉంది. ఈ ఫీచర్ అందుబాటులోకి వస్తే యూజర్లు సులువుగా ఈ-మెయిల్స్కు రిప్లై ఇచ్చేందుకు లైన్ క్లియర్ అవుతుంది. మనం ఏదైనా ఈ-మెయిల్ను ఓపెన్ చేసినప్పుడు దాని కింద రిప్లై బాక్స్ కూడా కనిపిస్తుంది. దీనిలో మన సమాధానాన్ని రాసి పంపిస్తుంటాం. ఈ లుకింగ్ (ఇంటర్ ఫేస్)ను మరింత యూజర్ ఫ్రెండ్లీగా మార్చడమే కొత్త ఫీచర్ ప్రత్యేకత అని సమాచారం. ఈ-మెయిల్ 'రిప్లై బాక్స్' ఇంటర్ ఫేస్ ఇకపై మనకు 'చాట్ స్టైల్'లో కనిపిస్తుంది. ఈ ఫీచర్ ఇప్పుడు టెస్టింగ్ స్టేజ్లోనే ఉంది. సాధారణంగానైతే మనకు వచ్చిన ఈ-మెయిల్ను తెరవగానే దాని కింది భాగంలో రిప్లై/ రిప్లై ఆల్/ ఫార్వర్డ్/ ఎమోజీ ఆప్షన్లు కనిపిస్తాయి. ఇకపై ఈ-మెయిల్ పైభాగంలోనే ఆప్షన్లన్నీ కనిపిస్తాయి. ఈ-మెయిల్ పైభాగంలో పిల్-షేప్ కంటైనర్లు, బటన్స్, అటాచింగ్ మీడియా, ఎమోజీలు ఉంటాయి. జీ మెయిల్ యూజర్లకు గూగుల్ చాట్ ఇంటర్ ఫేస్ బాగా ఉపయోగపడుతుంది. యూజర్లకు వచ్చిన, యూజర్లు పంపించిన ఈ-మెయిల్స్ను ఫుల్ స్క్రీన్లో చూసుకోవచ్చు. రిసిపెంట్ వివరాలను స్క్రీన్ ఎడమవైపున సెట్ చేసుకోవచ్చు. ఈ-మెయిల్ను కంపోజ్ చేసేటప్పుడు, కీబోర్డ్ కూడా కనిపిస్తుంది. సెండ్ బటన్ కుడివైపున ఉంటుంది. క్విక్ రిప్లై ఆప్షన్ ఎలా, ఎక్కడ ఉంటుందో ఇంకా తెలియరాలేదు. గూగుల్ త్వరలో వాయిస్ కంపోజ్ యూఐను కూడా జీమెయిల్లో ప్రవేశపెట్టేందుకు ఏర్పాట్లు చేస్తోంది. దీనిని Duet ఏఐతో అనుసంధానం చేసే ఛాన్స్ ఉంది.
ليست هناك تعليقات:
إرسال تعليق