మోటోరోలా ఫుల్ ఫ్లెక్సిబుల్ ఫోన్ కాన్సెప్ట్ను ప్రవేశపెట్టింది. అందులో ఫోన్ చేతికి వాచ్లా చుట్టుకున్నట్లు చూపించింది. 6.9 అంగుళాల ఎల్ఈడీ స్కీన్ ఉన్న ఫోన్ను అన్నింటిలా సాధారణంగా వాడొచ్చని చూపించింది. ముందు వైపే కాకుండా వెనుకకు కూడా మడవవచ్చని తెలిపింది. టేబుల్పై స్టాండ్లా మడిచి ఫోన్ వాడుకోవచ్చని పేర్కొంది. పెద్ద సైజు స్మార్ట్ వాచ్ల చేతికి పెట్టుకోవచ్చని కూడా చెప్పింది. అయితే ఈ ఫోన్కు సంబంధించి మిగతా ఫీచర్లు, బ్యాటరీ కెపాసిటీ కోసం మోటోరోలా వెల్లడించలేదు. మరోవైపు, చేతికి వాచ్లా పెట్టుకున్నప్పుడు ఫోన్ జారిపడిపోయే అవకాశం ఉన్నట్లు పలువురు నెటిజన్లు అంటున్నారు. కానీ అత్యాధునిక టెక్నాలజీ వచ్చే ఫుల్ ఫోల్డబుల్ ఫోన్ ప్రత్యేకంగా ఆకర్షిస్తుందని మరికొందరు కామెంట్లు పెడుతున్నారు. అయితే పూర్తిస్థాయిలో మార్కెట్లో ఈ ఫోన్ లాంఛ్ అవుతుందో లేదో చూడాలని ఇంకొందరు అంటున్నారు. ఆర్టిఫీషియల్ ఇంటిలిజెన్స్ ఫీచర్ను తమ కంపెనీ ఫోన్ల, ల్యాప్ట్యాప్లలో ప్రవేశపెట్టనునట్లు మోటోరోలా చెప్పింది. క్లౌడ్లో మనకు కావాల్సిన డేటా వెతకడం వంటి పనులు చేసేందుకు వీలుగా ఆ ఫీచర్ రూపొందించనున్నట్లు పేర్కొంది. మెరుగైన డాక్యుమెంట్ స్కానింగ్ కోసం ఇటీవలే కొత్త ఫీచర్ను ప్రారంభించినట్లు చెప్పింది.
ليست هناك تعليقات:
إرسال تعليق