కొత్తగా 15-అంగుళాల స్క్రీన్తో పెద్ద మ్యాక్బుక్ ఎయిర్ ల్యాప్టాప్ను అందుబాటులోకి తీసుకు రావడానికి ఆపిల్ సంస్థ పని చేస్తుందని తెలుస్తుంది. వచ్చే సంవత్సరంలో విడుదల కావచ్చునని అంచనా. 14-సంవత్సరాల చరిత్రలో పెద్ద స్క్రీన్ పరిమాణంతో వచ్చే మొదటి మోడల్ ఇదే కావడం విశేషం. అదనంగా కంపెనీ మరొక కొత్త చిన్న ల్యాప్టాప్పై కూడా పని చేస్తోంది. బ్లూమ్బెర్గ్ టెక్ రిపోర్టర్ మార్క్ గుర్మాన్ నుంచి వచ్చిన నివేదిక ప్రకారం ఆపిల్ కంపెనీ తయారుచేసే కొత్త మ్యాక్బుక్ ల్యాప్టాప్ డిజైన్ పరంగా మాక్బుక్ ఎయిర్ 13.6-అంగుళాల మోడల్ను పోలి ఉన్నప్పటికీ 15-అంగుళాల పరిమాణంతో లభిస్తుంది. 15-అంగుళాల మ్యాక్బుక్ ఎయిర్లో 1080p వెబ్క్యామ్ నాచ్ కూడా కనిపిస్తుంది. ఇది స్క్రీన్ చుట్టూ సన్నని నొక్కులతో బెజెల్ లెస్ నిర్మాణంను కలిగి ఉండే అవకాశం కూడా ఉంది. అలాగే ఇప్పటికే అందుబాటులో ఉన్న బేస్ మోడల్ 13-అంగుళాల మ్యాక్బుక్ ప్రోలోని M2 చిప్ తో పెద్ద మ్యాక్బుక్ ఎయిర్ వచ్చే అవకాశం ఉన్నట్లు భావిస్తున్నారు. మ్యాక్బుక్ ఎయిర్ యొక్క 14 సంవత్సరాల జీవితకాలంలో 15-అంగుళాల మ్యాక్బుక్ ఎయిర్ ఈ పరిమాణంలో మొదటి పరికరం. 12-అంగుళాల మరొక మ్యాక్బుక్పై కూడా పని చేస్తుందని పుకారు ఉంది. ఇది 2023 చివరిలో లేదా 2024 ప్రారంభంలో విడుదల అయ్యే అవకాశం ఉంది. 2019లో 12-అంగుళాల మ్యాక్బుక్ నిలిపివేయబడినప్పటి నుండి కంపెనీ చిన్న ల్యాప్టాప్లను మరొకసారి తయారుచేయనున్నది. ఆపిల్ యొక్క 12-అంగుళాల ల్యాప్టాప్, మ్యాక్బుక్ ఎయిర్, కాంపాక్ట్ డిజైన్తో 2015లో విడుదలైంది. అయితే ఇది కీబోర్డ్ వైఫల్యాలతో పాటుగా పేలవమైన పనితీరు కారణంగా ఆదరణను పొందలేదు. అయితే 12-అంగుళాల కొత్త ల్యాప్టాప్ బడ్జెట్ మోడల్గా ఉంటుందా లేదా మాక్బుక్ ప్రో యొక్క హై-ఎండ్ మోడల్లలో ఉంటుందా అనేది తెలియదు. అయితే ఆపిల్ కంపెనీ ప్రస్తుతం 13.3-అంగుళాల, 14.2-అంగుళాల మరియు 16.2-అంగుళాల పరిమాణాలలో ల్యాప్టాప్లను అందిస్తున్నది. కొత్త M2 ప్రో మరియు M2 మాక్స్ CPUలతో ఈ సంవత్సరం చివర్లో మాక్బుక్ ప్రో లైనప్ను అప్డేట్ చేస్తుంది. 14-అంగుళాల మరియు 16-అంగుళాల మ్యాక్బుక్ ప్రో మోడల్లలో కొత్త చిప్లు ఇన్స్టాల్ చేయబడతాయి. మరికొన్ని నివేదికల ప్రకారం ఆపిల్ M2 మాక్స్ ప్రాసెసర్ M1 మాక్స్ యొక్క 10-కోట్ల CPU మరియు 32-core GPUకి విరుద్ధంగా, 12-కోర్ CPU మరియు 38-core GPUలను కలిగి ఉంటుంది. మ్యాక్బుక్ మరియు ఐప్యాడ్ మధ్య అంతరాన్ని తగ్గించడంలో భాగంగా ఆపిల్ సంస్థ తన కొత్త మల్టీటాస్కింగ్ ఇంటర్ఫేస్ని స్టేజ్ మేనేజర్ గా iPadOS 16లో విడుదల చేసింది. ఇది Mac మెషీన్లకు కూడా మ్యాక్OS 13 వెంచర్ ద్వారా అందుబాటులో ఉంది. ఇది ఐప్యాడ్లో అనేక యాప్లను ఒకదానిపై ఒకటి అతివ్యాప్తి చేయడంతో పాటుగా ఏకకాలంలో వాటిని యాక్సెస్ చేయడానికి వినియోగదారులను అనుమతిస్తుంది. ఇది ఇప్పటికే ఉన్న ఇంటర్ఫేస్లో అప్గ్రేడ్ చేయబడి ఐఫోన్ లో ఉన్నటువంటి ఫుల్-స్క్రీన్ వ్యూలో యాప్లను యాక్సెస్ చేయడానికి అనుమతించబడుతుంది. అదనంగా స్లైడ్ ఓవర్ ఎంపికను కూడా కలిగి ఉంది. iPadOS 16 అప్డేట్ మ్యాక్ లేదా విండోస్ ల్యాప్టాప్లోని యాప్ విండోల పరిమాణాన్ని మార్చడానికి కూడా వినియోగదారులను అనుమతిస్తుంది. అయితే ఈ ఫీచర్ M1 చిప్తో నడిచే ఐప్యాడ్ మోడల్లకు మాత్రమే అనువైనదిగా ఉంటుంది. M1 చిప్తో రన్ అయ్యే ఐప్యాడ్లను కలిగిన వినియోగదారులు తమ యొక్క అన్నిరకాల పనులను సులభంగా చేయడానికి కొత్త అప్ డేట్లు ఉపయోగకరంగా ఉంటాయి. ఐప్యాడ్లోని నోట్స్, సఫారి, కీనోట్ మరియు ఇతర ప్రీలోడెడ్ యాప్లను వినియోగదారులు ఒకేసారి యాక్సెస్ చేయడానికి అనుమతిస్తుంది. కొలాబరేషన్ ఫీచర్ ఈ ఏడాది చివర్లో iOS మరియు macOS లకు కూడా రాబోతోంది అని ఆపిల్ సంస్థ తెలిపింది.
ليست هناك تعليقات:
إرسال تعليق