ప్రముఖ స్మార్ట్బ్రాండ్ నోకియాకు చెందిన HMD గ్లోబల్ తన మొట్టమొదటి టాబ్లెట్ను విడుదల చేసింది. నోకియా టి 20 టాబ్లెట్ పేరుతో బుధవారం దీన్ని లాంచ్ చేసింది. రూ. 20 వేల ధర రేంజ్లో విడుదలైన ఈ టాబ్లెట్లో అద్భుతమైన ఫీచర్లను జోడించింది. ట్యాబ్తో పాటు HMD గ్లోబల్ ఒక రగ్గుడ్ కేస్, రగ్గుడ్ కేస్ ప్లస్ ఫ్లిప్ కవర్/ స్టాండ్, నోకియా మైక్రో ఇయర్బడ్స్ ప్రో యాక్సెసరీస్ను కూడా లాంచ్ చేసింది. వీటన్నింటినీ నోకియా T20 టాబ్లెట్ కోసమే ప్రత్యేకంగా రూపొందించింది. దీనిలో వైఫై, వైఫై ప్లస్ 4జీ అనే రెండు వేరియంట్లలో లభిస్తుంది. దీని వై-ఫై వేరియంట్ EUR 199 (సుమారు రూ. 17,200), వైఫై + 4జీ వేరియంట్ EUR 239 (సుమారు రూ. 20,600) ధర వద్ద ప్రారంభమవుతుంది. వైఫై వేరియంట్ 3జీబీ ర్యామ్+ 32జీబీ స్టోరేజ్, 4జీబీ ర్యామ్+ 64 జీబీ స్టోరేజ్ ఆప్షన్లలో వస్తుంది. అయితే, వైఫై ప్లస్ 4G మోడల్ మాత్రం సింగిల్ 4 జీబీ + 64 జీబీ కాన్ఫిగరేషన్లో లభిస్తుంది. ఈ వేరియంట్లు అక్టోబర్ 6 నుంచి అమ్మకానికి వచ్చాయి. నోకియా టి 20 ట్యాబ్లెట్తో పాటు ఉచిత స్పాటిఫై సబ్స్క్రిప్షన్ లభిస్తుంది. ఇందులో 70 మిలియన్లకు పైగా పాటలు, 2.9 మిలియన్ పాడ్కాస్ట్లను యాక్సెస్ చేసుకోవచ్చు.
ليست هناك تعليقات:
إرسال تعليق