బిఎస్ఎన్ఎల్ బ్రాడ్‌బ్యాండ్ సూపర్ ఆఫర్స్!!

బిఎస్ఎన్ఎల్ సంస్థ ఇప్పుడు తన యొక్క బ్రాడ్‌బ్యాండ్ ప్లాన్ లపై దృష్టిని సారించింది. ఈ వైర్డు బ్రాడ్‌బ్యాండ్ సేవలు వినియోగదారులకు టన్నుల కొద్దీ ఆఫర్లను కొత్తగా అందిస్తోంది. బిఎస్ఎన్ఎల్ ఇప్పుడు తన యొక్క చందాదారుల కోసం మరొక కొత్త ప్రమోషన్ ను అందించింది. అందులో భాగంగా వినియోగదారులు గూగుల్ నెస్ట్ మినీ లేదా గూగుల్ నెస్ట్ హబ్‌ను తమ బ్రాడ్‌బ్యాండ్ ప్లాన్‌ల యొక్క చందాను పొందినట్లయితే రాయితీ ధరల వద్ద ఎంచుకోవడానికి వీలుగా ఉంటుంది. BSNL అందించే ఈ క్రొత్త ఆఫర్ గురించి గొప్ప విషయం ఏమిటంటే ఇది DSL కస్టమర్లకు లేదా పాత బ్రాడ్‌బ్యాండ్ ప్లాన్‌లకు మరియు కొత్త ఫైబర్-టు-హోమ్ (FTTH) కస్టమర్లకు కూడా అందుబాటులో ఉంది.

బిఎస్ఎన్ఎల్ గూగుల్ నెస్ట్ మినీ ఆఫర్‌ ప్లాన్స్

బిఎస్ఎన్ఎల్ మరియు గూగుల్ నెస్ట్ ఆఫర్‌కు అర్హత పొందడానికి బిఎస్‌ఎన్‌ఎల్ యొక్క బ్రాడ్‌బ్యాండ్ చందాదారులు రూ.799 లేదా అంతకంటే ఎక్కువ FMC (ఫిక్స్‌డ్ మంత్లీ కాస్ట్) ఏదైనా ప్లాన్ ను ఎంచుకోవలసి ఉంటుంది. ఈ సమయంలో చందాదారులు గూగుల్ నెస్ట్ మినీని రూ.4,999 ధరకు బదులుగా కేవలం రూ.1,287 తక్కువ ధరకు పొందుతారు. ఇది ప్రస్తుతం మార్కెట్లో రిటైల్ అవుతుంది.

బిఎస్ఎన్ఎల్ గూగుల్ నెస్ట్ హబ్‌ ఆఫర్ లో భాగంగా బ్రాడ్‌బ్యాండ్ చందాదారులు కనీసం రూ.1,999 FMC బ్రాడ్‌బ్యాండ్ ప్లాన్ ను కలిగి ఉండాలి. దీనిని పొందిన వారు గూగుల్ నెస్ట్ హబ్‌ను డిస్కౌంట్ దరలతో పొందడానికి అర్హులు అవుతారు. ఇది ఎఫ్‌టిటిహెచ్ కస్టమర్లకు రూ.2,587 డిస్కౌంట్ ధర వద్ద లభిస్తుంది. ఏదేమైనా చందాదారులు గుర్తుంచుకోవలసిన కొన్ని జాగ్రత్తలు కూడా ఉన్నాయి. వినియోగదారులు మొత్తం ఒక సంవత్సర సభ్యత్వాన్ని ఎంచుకుంటే కనుక 13 వ నెలకు చందాను ఉచితంగా పొందే అవకాశం ఉంటుంది. వీటితో పాటు వారు వన్‌టైమ్ ఫీజుగా 13 నెలలకు గాను నెలకు రూ.99 చెల్లించాల్సి ఉంటుంది.

పాత BSNL వినియోగదారులకు అందుబాటులో గల మరిన్ని ఎంపికలు

పాత DSL చందాదారులు, BBoWiFi చందాదారులు లేదా ఫైబర్ చందాదారులు వార్షిక, ద్వైవార్షిక, త్రైమాసిక పేమెంట్ లకు చందా పొందే అవకాశాన్ని కలిగి ఉన్నందున వారు ఈ ఆఫర్‌ను సులభంగా పొందుతారు. అదనంగా వారు గూగుల్ నెస్ట్ మినీ మరియు నెస్ట్ హబ్‌ను కూడా వరుసగా రూ .1,188, రూ .2,388 డిస్కౌంట్ తక్కువ ధర వద్ద పొందుతారు. పాత మరియు క్రొత్త చందాదారులకు ఈ ఆఫర్ భిన్నంగా ఉంటుందని దీని అర్థం. కేరళలోని చందాదారులు ఈ ప్రయోజనంను అధికంగా పొందవచ్చు. ఎందుకంటే వారు గూగుల్ నెస్ట్ మినీని కూడా రూ.777 ప్లాన్‌లలో అందిస్తారు. అయితే ఈ ఆఫర్‌లోని వినియోగదారులందరికీ నెలకు రూ.99 అదనపు రుసుము వర్తిస్తుంది.