అమెరికాలోని టెక్సాస్‌లో ఉన్న స్పేస్‌ఎక్స్ యాసిలిటీలో నిర్వహించిన ఈ వేడుకలో అత్యంత ప్రతిష్టాత్మకంగా భావిస్తున్న నూతన తరం రోడ్‌స్టర్ స్పోర్ట్స్ కార్‌ను టెస్లా సంస్థ అధికారికంగా ప్రదర్శించింది. ఈ కారును ఎలన్ మస్క్ ప్రపంచానికి పరిచయం చేశారు. సాధారణ కార్లలా కాకుండా, సైన్స్ ఫిక్షన్ సినిమాలను తలపించేలా రాకెట్ టెక్నాలజీని పోలిన ఫీచర్లతో దీనిని తీర్చిదిద్దడం ప్రపంచవ్యాప్తంగా టెక్ ప్రియులను విపరీతంగా ఆకట్టుకుంటోంది. ఈ కారు అసలు ప్రత్యేకత దాని ఫ్లయింగ్, థ్రస్టర్ సామర్థ్యమే. రాకెట్ సైన్స్ టెక్నాలజీని ఆటోమొబైల్ రంగానికి అనుసంధానిస్తూ, దీనిలో అంతర్గతంగా స్పేస్‌ఎక్స్ కోల్డ్-గ్యాస్ థ్రస్టర్లను అమర్చారు. ఆవిష్కరణ వేడుకలో భాగంగా ఈ కారు రాంప్ పైనుంచి గాల్లోకి లేచి స్వల్పంగా ఎగరడం, విన్సెంట్లు చేయడం అందరినీ విస్మయపరిచింది. కేవలం గాల్లో తేలడమే కాకుండా, క్షణాల వ్యవధిలో వేగన్ని పుంజుకునే అద్భుతమైన పనితీరును ఇది కలిగి ఉంది. సాంకేతిక పనితీరు పరంగా చూస్తే, ఈ ఎలక్ట్రిక్ సూపర్‌కార్ కేవలం ఒక సెకన్ వ్యవధిలోనే 0-60 mph వేగాన్ని అందుకునే అసాధారణ యాక్సెలరేషన్ చూపుతుంది. టెస్లా సైబర్‌ట్రక్ డిజైన్ స్ఫూర్తితో రూపొందించిన ఈ సరికొత్త టూ-సీటర్ స్పోర్ట్స్ కార్ భవిష్యత్ రవాణా రంగ రూపురేఖలను పూర్తిగా మార్చేయగలదనే అంచనాలున్నాయి. రోడ్డుపై ప్రయాణించడంతో పాటు అత్యవసర సమయాల్లో , ప్రత్యేక విన్యాసాల కోసం థ్రస్టర్ల సాయంతో గాల్లోకి లేచేలా దీన్ని డిజైన్ చేయడం ఆటోమొబైల్ చరిత్రలోనే ఇదొక మైలురాయిగా నిలుస్తోంది.
