చైనాలో వివో తాజాగా Y600 సిరీస్‌లో వివో వై600కే టర్బో ను విడుదల చేసింది. ఇప్పటికే ఉన్న వివో వై600 టర్బోకి కొత్త వేరియంట్‌గా ఈ మోడల్‌ను తీసుకొచ్చినట్లు తెలుస్తోంది. భారీ బ్యాటరీ, 90W ఫాస్ట్ ఛార్జింగ్, AMOLED డిస్‌ప్లేతో వచ్చిన ఈ ఫోన్ ధర, ఫీచర్లు ప్రస్తుతం టెక్ మార్కెట్లో ఆసక్తిని పెంచుతున్నాయి. దీనిలో 6.83 అంగుళాల AMOLED డిస్‌ప్లే అందించారు. ఇది 2800×1260 పిక్సెల్స్ రిజల్యూషన్‌తో పాటు 120Hz రిఫ్రెష్ రేట్, 130Hz టచ్ శాంప్లింగ్ రేట్‌ను సపోర్ట్ చేస్తుంది. డిస్‌ప్లే 10.7 బిలియన్ కలర్స్‌ను చూపగలదు. అలాగే 4320Hz హై-ఫ్రీక్వెన్సీ PWM డిమ్మింగ్‌కు సపోర్ట్ ఉంది. లోకల్ పీక్ బ్రైట్‌నెస్ 5000 నిట్స్ వరకు ఉంటుందని కంపెనీ పేర్కొంది. క్వాల్‌కామ్ స్నాప్‌డ్రాగన్ 7s జెన్ 4 మొబైల్ ప్లాట్‌ఫామ్‌ను ఉపయోగించారు. దీనికి 12GB LPDDR4X ర్యామ్, 256GB UFS 3.1 స్టోరేజ్ జత చేశారు. ఫోన్‌లో పెద్ద మొత్తంలో యాప్స్, గేమ్స్‌ను నిర్వహించేందుకు ఈ హార్డ్‌వేర్ ఉపయోగపడుతుంది. దీనిలో ప్రధాన ఆకర్షణగా 9,020mAh కెపాసిటీ ఉన్న బ్యాటరీని అందించారు. దీనికి 90W వైర్డ్ ఫాస్ట్ ఛార్జింగ్ సపోర్ట్ ఉంది. బ్యాటరీ రేటెడ్ కెపాసిటీ 8,820mAhగా ఉంది. వైర్‌లెస్ ఛార్జింగ్‌కు సపోర్ట్ లేదు. అయితే USB టైప్-C పోర్ట్ ద్వారా రివర్స్ ఛార్జింగ్ చేసుకునే సదుపాయం ఉంది. IP68, IP69 డస్ట్, వాటర్ రెసిస్టెన్స్ రేటింగ్స్ ఉన్నాయి. మెరుగైన డ్రాప్ రెసిస్టెన్స్ కోసం బలోపేతం చేసిన గ్లాస్‌ను ఉపయోగించారు. అంతేకాకుండా ఈ ఫోన్ ఎనిమిది మిలిటరీ-స్టాండర్డ్ ఎన్విరాన్‌మెంటల్ టెస్టులను కూడా పాస్ చేసినట్లు సంస్థ తెలిపింది. సాఫ్ట్‌వేర్ పరంగా ఈ ఫోన్ ఆండ్రాయిడ్ 16 ఆధారిత OriginOS 6పై పనిచేస్తుంది. అండర్ డిస్‌ప్లే ఆప్టికల్ ఫింగర్‌ప్రింట్ స్కానర్, డ్యూయల్ స్పీకర్లు, IR బ్లాస్టర్, NFC వంటి ఫీచర్లు ఇందులో ఉన్నాయి. కనెక్టివిటీ కోసం Wi-Fi 6, బ్లూటూత్ 5.2 అందించారు. దీని ధర 2,799 చైనా యువాన్లు. అంటే భారత కరెన్సీలో సుమారు రూ.35,000 వరకు ఉంటుంది. ఎలక్ట్రిక్ బ్లూ, డ్యూన్ గోల్డ్, మిలీనియల్ పింక్ కలర్ ఆప్షన్లలో ఈ ఫోన్ లభిస్తుంది.
ليست هناك تعليقات:
إرسال تعليق