గ్లోబల్ మార్కెట్లో లెనోవో కొత్త బడ్జెట్ ల్యాప్టాప్ లెనోవో ఐడియా ప్యాడ్ వైబ్ 15క్యూ8ఎక్స్12ను విడుదల చేసింది. ఈ ల్యాప్‌టాప్‌లో Qualcomm Snapdragon X సిరీస్ ప్రాసెసర్, 15 అంగుళాల డిస్‌ప్లే, 50Wh బ్యాటరీ వంటి ఫీచర్లు ఉన్నాయి. Wi-Fi 7 కనెక్టివిటీ, Windows 11 Home ఆపరేటింగ్ సిస్టమ్, Dolby Audio సపోర్ట్‌తో పాటు వేగంగా ఛార్జింగ్ చేసుకునే సదుపాయాన్ని కూడా కంపెనీ అందించింది. ధర, డిజైన్, రోజువారీ పనులకు ఉపయోగపడే ఫీచర్లతో కొత్త ల్యాప్‌టాప్‌ను తీసుకొచ్చిన Lenovo, డిఫరెంట్ కలర్ ఆప్షన్స్ కూడా అందిస్తోంది. గ్లోబల్ మార్కెట్లో 799 డాలర్ల ప్రారంభ ధరతో విడుదల చేసినట్లు సమాచారం. భారత కరెన్సీలో ఇది సుమారు రూ.80,000కు సమానం. ఈ ల్యాప్‌టాప్‌ను Chill Blue, Zen Green, Spicy Gold, Radiant Coral, Dreamy Violet వంటి రంగుల్లో అందిస్తున్నారు. కంపెనీ అధికారిక వెబ్‌సైట్ ద్వారా కొనుగోలు చేసుకునే అవకాశం ఉంది. ఈ ల్యాప్‌టాప్‌లో 15 అంగుళాల డిస్‌ప్లేను అందించారు. ఇది 16:10 యాస్పెక్ట్ రేషియోతో పాటు 60Hz రిఫ్రెష్ రేట్‌కు సపోర్ట్ చేస్తుంది. గరిష్ఠంగా 400 నిట్స్ బ్రైట్‌నెస్‌ను అందించడం వల్ల అనుకూల పరిస్థితుల్లో స్క్రీన్‌పై కంటెంట్‌ను స్పష్టంగా చూడవచ్చు. అంతేకాకుండా, ఇందులో TÜV లో బ్లూ లైట్ సర్టిఫికేషన్ ఉంది. స్క్రీన్ నుంచి వెలువడే బ్లూ లైట్‌కు సంబంధించిన ప్రభావాన్ని తగ్గించేందుకు రూపొందించిన ప్రమాణాలకు ఈ సర్టిఫికేషన్ సంబంధించింది. ల్యాప్టాప్ మన్నిక కోసం MIL-STD-810H సర్టిఫికేషన్‌ను కూడా పేర్కొన్నారు.
