జియో ప్రీపెయిడ్ వినియోగదారులు కేవలం రూ.51 కే 'అన్లిమిటెడ్ 5G' డేటాను పొందవచ్చు. మై జియో యాప్లోని 'True Unlimited Upgrade' సెక్షన్ కింద ఈ ఆడ్-ఆన్ ప్యాక్ లభిస్తుంది. తక్కువ వ్యాలిడిటీ ఉండి, రోజుకు 1GB లేదా 1.5GB డేటా ఇచ్చే నిర్దిష్ట ప్లాన్లపై ఈ ఆఫర్ వర్తిస్తుంది. సపోర్ట్ చేసే ఫోన్లు, జియో 5G నెట్వర్క్ ఉన్న ప్రాంతాల్లో ఈ ప్యాక్ ద్వారా అన్లిమిటెడ్ 5G డేటాను వాడుకోవచ్చు. దీంతో పాటు కొద్దిగా 4G డేటా టాప్-అప్ కూడా అందుతుంది. ముందుగా MyJio యాప్ ఓపెన్ చేసి 'Recharge' పైన టాప్ చేయండి. అక్కడ 'True Unlimited Upgrade' ఆప్షన్ ఎంచుకుని, రూ.51 ప్యాక్ సెలెక్ట్ చేసుకుని పేమెంట్ పూర్తి చేయండి. ఒకవేళ ఈ ఆఫర్ మీకు కనిపించకపోతే యాప్ను అప్డేట్ చేయండి, లేదా మీ ప్లాన్కు దీని అర్హత లేకపోవచ్చు. రీఛార్జ్ చేసే ముందు మీరు ఉన్న ప్రాంతంలో 5G ఉందో లేదో, మీ ఫోన్ 5Gకి సపోర్ట్ చేస్తుందో లేదో చెక్ చేసుకోండి. 5G నెట్వర్క్ లేని చోట వాడుకోవడానికి ఇందులో 3GB 4G డేటా బూస్టర్ ఇస్తున్నట్లు సమాచారం. ఈ ఆఫర్ పొందడానికి కొత్త సిమ్ అవసరం లేదు కానీ, 5G స్మార్ట్ఫోన్ మాత్రం తప్పనిసరి. ఫోన్ 5G నెట్వర్క్కు కనెక్ట్ అయి ఉన్నంత వరకు మాత్రమే ఈ 'అన్లిమిటెడ్' డేటా పనిచేస్తుంది. 5G కవరేజ్ లేని ప్రాంతాల్లో ఉన్నప్పుడు, డేటా వినియోగం ఈ ప్యాక్తో వచ్చే 4G టాప్-అప్ లేదా మీ మెయిన్ ప్లాన్ రోజువారీ 4G కోటా నుంచి కట్ అవుతుంది. ఆన్లైన్ గేమింగ్ లేదా వీడియోలు చూసేటప్పుడు ఈ 4G డేటా త్వరగా అయిపోయే ప్రమాదం ఉంది. అందుకే పేమెంట్ చేసే ముందే మీ ఏరియాలో 5G ఉందో లేదో జియో కవరేజ్ పేజీలో చూడండి. అలాగే మీ హెండ్సెట్లో 5G సెట్టింగ్స్ సరిగ్గా ఉన్నాయో లేదో చెక్ చేసుకోండి. MyJioలో రీఛార్జ్ చేసిన వెంటనే సాధారణంగా ఈ ఆఫర్ యాక్టివేట్ అవుతుంది. ఒకవేళ రీఛార్జ్ చేశాక కూడా మీ రోజువారీ డేటానే కట్ అవుతుంటే, ఒకసారి ఫోన్ను ఏరోప్లేన్ మోడ్లో పెట్టి తీయండి లేదా సెట్టింగ్స్లో 5Gని మళ్లీ సెలెక్ట్ చేయండి. స్క్రీన్ పైన 5G ఐకాన్ కనిపిస్తున్నప్పుడు మాత్రమే పెద్ద ఫైల్స్ డౌన్లోడ్ చేయడం ప్రారంభించండి. సరైన 5G ఫోన్ ఉండి, ట్రూ 5G కవరేజ్ ఉన్న ప్రాంతాల్లో, అర్హత గల ప్లాన్లలో మాత్రమే ఈ అన్లిమిటెడ్ 5G ఆఫర్ పనిచేస్తుంది.
No comments:
Post a Comment