దేశంలో మొట్టమొదటిసారిగా ఆమోదం పొందిన డెంగ్యూ వ్యాక్సిన్ను అందుబాటులోకి తీసుకురావడానికి సన్నాహాలు జరుగుతున్నాయి. ప్రపంచవ్యాప్తంగా డెంగ్యూ నివారణకు ఉపయోగపడుతున్న క్యూడెంగా వ్యాక్సిన్ను దేశంలో విడుదల చేయడానికి రంగం సిద్ధమైంది. 2027 నాటికి ఈ వ్యాక్సిన్ దేశవ్యాప్తంగా ప్రజలకు అందుబాటులోకి రానుందని రెడ్డీస్ ల్యాబ్స్ వెల్లడించింది. డెంగ్యూ వ్యాధి బారిన పడి లక్షలాది మంది ప్రజలు ఆస్పత్రులపాలవుతున్నారు. ముఖ్యంగా వర్షాకాలంలో ఈ వైరస్ వ్యాప్తి విపరీతంగా పెరుగుతోంది. సాధారణంగా డెంగ్యూ సోకిన వ్యక్తికి పరిస్థితి విషమించి ప్లేట్లెట్స్ పడిపోతే ఆస్పత్రి ఖర్చులు భారీగా అవుతాయి. ఈ భారీ వైద్య ఖర్చులను, ప్రాణాపాయ పరిస్థితులను నివారించడానికి వ్యాక్సిన్ ఎంతగానో ఉపయోగపడుతుందని నిపుణులు అభిప్రాయపడుతున్నారు. ప్రముఖ ఫార్మా సంస్థ తకేడా అభివృద్ధి చేసిన ఈ వ్యాక్సిన్ ట్రయల్స్ విజయవంతంగా పూర్తి చేసుకున్నాయి. అన్ని రకాల భద్రతా ప్రమాణాలను పరిశీలించిన తర్వాతే దీనికి అనుమతులు మంజూరు చేశారు. దేశంలోని ప్రధాన నగరాలతో పాటు డెంగ్యూ ప్రభావం ఎక్కువగా ఉండే ప్రాంతాల్లో తొలుత ఈ వ్యాక్సిన్ను పంపిణీ చేయనుంది రెడ్డీస్ ల్యాబ్స్. ఈ మేరకు రెండు సంస్థల మధ్య భాగస్వామ్య ఒప్పందం కుదిరింది. చిన్న పిల్లల నుంచి వృద్ధుల వరకు అందరికీ రక్షణ కల్పించేలా డోసెస్ వివరాలను వైద్యులు త్వరలోనే వెల్లడించనున్నారు. ప్రజల్లో అప్రమత్తత పెంచడానికి వైద్య సిబ్బంది ప్రత్యేక అవగాహన కార్యక్రమాలు నిర్వహిస్తున్నారు. దోమల నివారణకు ముందస్తు చర్యలు తీసుకోవడం ఎంత ముఖ్యమో వ్యాక్సిన్ వేయించుకోవడం కూడా అంతే ముఖ్యమని వైద్యులు సూచిస్తున్నారు.
ليست هناك تعليقات:
إرسال تعليق