ఒలింపిక్స్‌లో భారత్ ఉనికిని మరింత చాటుకునేందుకు వీలుగా క్రీడా వ్యవస్థను అభివృద్ధి చేయాలి

ఖేలో ఇండియా డైలాగ్'లో భాగంగా క్రీడాకారులను ఉద్దేశించి వీడియో కాన్ఫరెన్స్ ద్వారా ప్రధాని నరేంద్ర మోడీ మాట్లాడారు. ఒలింపిక్స్ వంటి అంతర్జాతీయ పోటీలలో పలు రకాల క్రీడలలో భారత్ ప్రాతినిధ్యం తక్కువగా ఉండటంపై కీలక వ్యాఖ్యలు చేశారు భారతదేశానికి సుదీర్ఘమైన సముద్ర తీరప్రాంతం మరియు విశాలమైన పర్వత ప్రాంతాలు ఉన్నాయని ప్రధాని గుర్తుచేశారు. వాటర్ స్పోర్ట్స్ మరియు వింటర్ స్పోర్ట్స్‌కు అవసరమైన భౌగోళిక పరిస్థితులు, జనాభా అనుకూలత మనకు ఉన్నప్పటికీ ఈ క్రీడలలో భారత భాగస్వామ్యం బలంగా లేదని ఆయన ఆవేదన వ్యక్తం చేశారు. సర్ఫింగ్, స్పోర్ట్ క్లైంబింగ్ వంటి క్రీడలలో ఈకోసిస్టమ్‌ను అభివృద్ధి చేసుకునే అవకాశాలను పరిశీలించాలని సూచించారు. దశాబ్దాలుగా ఒలింపిక్స్‌లోని అనేక క్రీడాంశాలలో భారత్ పోటీ పడటం లేదని, ఉదాహరణకు 2012 ఒలింపిక్స్‌లో 20కి పైగా క్రీడల్లో భారత్ పాల్గొనలేదని ప్రధాని గుర్తుచేశారు. ఇటీవల జరిగిన కామన్వెల్త్ గేమ్స్ 2026 ప్రచారంలో కూడా కొన్ని భారత్ మెడల్-విన్నింగ్ స్పోర్ట్స్ లేకపోయినా మన అథ్లెట్లు 10 క్రీడాంశాల్లో పోటీపడి 13 స్వర్ణాలు సహా 39 పతకాలతో 4వ స్థానంలో నిలిచారని ప్రశంసించారు 2036 ఒలింపిక్స్ క్రీడలకు ఆతిథ్యం ఇవ్వాలనేది భారతదేశ లక్ష్యమని, అలాగే 2030 కామన్వెల్త్ గేమ్స్‌కు కూడా భారత్ సిద్ధమవుతోందని మోదీ పునరుద్ఘాటించారు. 2036 ఒలింపిక్స్ నాటికి క్రీడాకారులను తయారుచేసేందుకు గాను 5 నుంచి 15 ఏళ్ల వయస్సు గల చిన్నారులలో ఉన్న క్రీడా నైపుణ్యాన్ని గుర్తించేందుకు ప్రతి గ్రామం, నగరం మరియు పాఠశాలల్లో విస్తృతమైన 'టాలెంట్ హంట్' ప్రచారాన్ని చేపట్టనున్నట్లు ప్రధాని వెల్లడించారు.