హానర్ ప్యాడ్ ఎక్స్ సిరీస్ లో హానర్ ప్యాడ్ X9 మ్యాక్స్ విడుదల చేసింది. 13-అంగుళాల 2.5K డిస్ప్లే, 10,100mAh భారీ బ్యాటరీ, Snapdragon 6s Gen 2 ప్రాసెసర్ వంటి ఫీచర్లతో ఈ టాబ్లెట్ ఆకట్టుకుంటోంది. ప్రస్తుతం ఈ డివైస్ ఎంపిక చేసిన గ్లోబల్ మార్కెట్లలో మాత్రమే అందుబాటులో ఉంది. ఇది రెండు వేరియంట్లలో విడుదలైంది. 4GB RAM + 128GB స్టోరేజ్ – GBP 349.99 (సుమారు రూ.45,000), 6GB RAM + 256GB స్టోరేజ్ – GBP 449.99 (సుమారు రూ.58,000). ఈ టాబ్లెట్ ప్రస్తుతం హానర్ అధికారిక ఆన్లైన్ స్టోర్ ద్వారా ఎంపిక చేసిన దేశాల్లో విక్రయానికి అందుబాటులో ఉంది. ప్రస్తుతం గ్రే రంగులో మాత్రమే లభిస్తోంది. పెద్ద డిస్ప్లే కారణంగా వీడియోలు చూడటం, ఆన్లైన్ క్లాసులు, డాక్యుమెంట్ పనులు, గేమింగ్కు ఇది అనువుగా ఉంటుంది. టాబ్లెట్ Android 16 ఆధారిత MagicOS 10పై పనిచేస్తుంది. ఈ టాబ్లెట్లో Qualcomm Snapdragon 6s Gen 2 ఆక్టా-కోర్ ప్రాసెసర్ను అమర్చారు. ఇందులో నాలుగు Performance కోర్లు, నాలుగు Efficiency కోర్లు ఉండటంతో రోజువారీ పనులతో పాటు మల్టీటాస్కింగ్ కూడా సులభంగా నిర్వహించవచ్చు. 5MP రియర్ కెమెరా (Auto Focus, f/2.2), 5MP ఫ్రంట్ కెమెరా (f/2.2). ఈ కెమెరాలు వీడియో కాల్స్, ఆన్లైన్ మీటింగ్లు, సాధారణ ఫోటోగ్రఫీకి అనుకూలంగా ఉంటాయి. ఈ టాబ్లెట్లో 10,100mAh బ్యాటరీను అందించారు. ఇది 45W ఫాస్ట్ వైర్డ్ ఛార్జింగ్ కు మద్దతు ఇస్తుంది. కంపెనీ ప్రకారం 13 గంటల వరకు ఈ-బుక్స్ లేదా డాక్యుమెంట్లు చదవవచ్చు. 16 గంటల వరకు వీడియోలు చూడవచ్చు.
ليست هناك تعليقات:
إرسال تعليق