స్పెర్మటోరియా - కారణాలు - జాగ్రత్తలు

మూత్రం రంగు మరియు తీరును బట్టి మన ఆరోగ్యం ఎలా ఉందో తెలుసుకోవచ్చని ఆరోగ్య నిపుణులు చెబుతుంటారు. మూత్రం విసర్జించే సమయంలో వీర్యం కూడా బయటకు వస్తుందని కొందరు ఫిర్యాదు చేస్తుంటారు. ఇలా జరగడం వల్ల చాలామంది భయాందోళనకు గురవుతుంటారు. మూత్రం ద్వారా తెల్లని, జిగట పదార్థం రావడం అనేది ఎల్లప్పుడూ ఏదో ఒక వ్యాధికి సంకేతం కాదని నిపుణులు అంటున్నారు. అయితే, ఈ సమస్య దీర్ఘకాలం పాటు కొనసాగితే మాత్రం నిర్లక్ష్యం చేయకూడదు. 20 నుండి 30 ఏళ్ల వయస్సు గల యువకులలో మూత్రం ద్వారా వీర్యం రావడం అనేది ఒక సాధారణ విషయం అని ఆరోగ్య నిపుణులు చెబుతుంటారు. చాలామందికి తమ మూత్రంలో వీర్యం వెళ్తుందనే విషయం కూడా తెలియదు, కొన్ని పరీక్షల ద్వారా మాత్రమే ఇది బయటపడుతుంది. వైద్య పరిభాషలో దీనిని 'స్పెర్మటోరియా' అని పిలుస్తారు. దీనికి ప్రధాన కారణం శరీరంలో వీర్యం ఎక్కువగా పేరుకుపోవడం. ఇలా పేరుకుపోయిన వీర్యం సహజంగా మూత్రం ద్వారా బయటకు వస్తుంది. దీనికి భయపడాల్సిన పనిలేదు. కొన్ని సందర్భాల్లో మూత్రం ద్వారా వీర్యం రావడానికి ప్రోస్టేట్ గ్రంధి వాపు లేదా ఇన్‌ఫెక్షన్ కారణం కావచ్చని నిపుణులు హెచ్చరిస్తున్నారు. అసురక్షిత శృంగారం వల్ల మూత్రనాళంలోకి హానికరమైన బ్యాక్టీరియా ప్రవేశించే అవకాశం ఉంది. దీనివల్ల ప్రోస్టేట్ వాపు, యూరినరీ ట్రాక్ట్ ఇన్‌ఫెక్షన్ వంటి సమస్యలు తలెత్తి వీర్యం లీక్ అవ్వడానికి దారితీయవచ్చు.  సాధారణంగా 35 నుండి 40 ఏళ్ల తర్వాత శరీరంలో వీర్యం ఉత్పత్తి తగ్గుతుంది, కాబట్టి ఆ వయస్సు వారిలో ఈ సమస్య తక్కువగా కనిపిస్తుంది. యువకులలో   శరీరంలో నిల్వ ఉన్న వీర్యం బయటకు రావడానికి ఇదొక సహజ ప్రక్రియ. ఇది వ్యాధి కాదు. అయితే, ఈ సమస్య ప్రతిరోజూ అవుతుంటే లేదా నొప్పి వంటి ఇతర ఇబ్బందులు ఉంటే మాత్రం వెంటనే వైద్యుడిని సంప్రదించి పరీక్షలు చేయించుకోవడం మంచిది.