మహారాష్ట్ర ఆహార, పౌర సరఫరాల శాఖ మంత్రి ఛగన్ భుజ్బల్ శనివారం పూణే జిల్లాలో పర్యటించారు. ఖాన్వాడి గ్రామంలో ఏర్పాటు చేసిన కార్యక్రమంలో పాల్గొనేందుకు హెలికాప్టర్లో చేరుకున్నారు. కాగా, మంత్రి ఛగన్ భుజ్బల్ ప్రయాణించిన హెలికాప్టర్ హెలిప్యాడ్ను దాటి వెళ్లింది. హెలికాప్టర్ రోటర్ల వల్ల గాలిలోకి దుమ్ము ఎగజిమ్మింది. దీంతో పైలట్కు ఏమీ కనిపించకపోవడంతో ల్యాండింగ్ ప్రదేశాన్ని దాటించాడు. గోడ అవతల ఖాళీగా ఉన్న వాహనాల పార్కింగ్ స్థలంలో ఆ హెలికాప్టర్ను ల్యాండ్ చేశాడు. అయితే ఈ సంఘటన వల్ల ఎవరికీ ఎలాంటి ప్రమాదం జరుగలేదు. మరోవైపు పోలీస్ అధికారులు వెంటనే ఆ హెలికాప్టర్ వద్దకు చేరుకున్నారు. తప్పుగా ల్యాండింగ్ చేసిన విషయాన్ని పైలట్కు తెలియజేశారు. ఈ నేపథ్యంలో ఆ హెలికాప్టర్ను నిర్దేశిత హెలిప్యాడ్కు తరలించి ల్యాండ్ చేశారు. ఈ సంఘటన వల్ల ఏర్పడిన అంతరాయం తర్వాత మంత్రి ఛగన్ భుజ్బల్ తన కార్యక్రమాలను కొనసాగించారు. అయితే పార్కింగ్ స్థలంలో హెలికాప్టర్ ల్యాండింగ్కు సంబంధించిన వీడియో క్లిప్ సోషల్ మీడియాలో వైరల్ అయ్యింది.
0 Comments