విజయ్ సేల్స్ తన వెబ్సైట్లో వన్ప్లస్ 13పై తగ్గింపు ధరను ప్రకటించింది. ఈ ఆఫర్ పరిమిత కాలం మాత్రమే అందుబాటులో ఉంటుందని సంస్థ ప్రతినిధులు చెబుతున్నారు. వన్ప్లస్ 13 భారత్లో విడుదలైనప్పుడు దీని ప్రారంభ ధర రూ.69,999గా ఉంది. విజయ్ సేల్స్ ఇప్పుడు నేరుగా తొమ్మిది వేల రూపాయల ఫ్లాట్ డిస్కౌంట్ ఇస్తోంది. దీనివల్ల ఫోన్ ధర రూ.60999 తగ్గింది. వినియోగదారులు హెచ్డీఎఫ్సీ బ్యాంక్ క్రెడిట్ కార్డు ఈఎంఐ ద్వారా కొనుగోలు చేస్తే మరో రూ.3,500 అదనపు తగ్గింపు లభిస్తుంది. దీంతో రూ.12,500 భారీ మొత్తాన్ని ఆదా చేసుకునే వీలుంది. ఈ ఫోన్ సాంకేతిక అంశాలు అత్యంత అధునాతనంగా ఉన్నాయి. ఇందులో 6.82 అంగుళాల క్యూహెచ్డీ ప్లస్ ఎల్టీపీఓ త్రీకే డిస్ప్లే అమర్చారు. ఇది 120 హెర్ట్జ్ రిఫ్రెష్ రేట్తో పని చేస్తుంది. ఫోన్ స్క్రీన్ బ్రైట్నెస్ 4500 నిట్స్ వరకు ఉంటుంది. ఎండలో కూడా స్క్రీన్ స్పష్టంగా కనిపిస్తుంది. వేగవంతమైన పనితీరు కోసం స్నాప్డ్రాగన్ 8 ఎలైట్ చిప్సెట్ వాడారు. గేమింగ్ ప్రియులకు ఇది ఒక గొప్ప అనుభూతిని ఇస్తుంది. కెమెరా విభాగంలో వెనుక వైపు మూడు 50 మెగాపిక్సెల్ కెమెరాలు ఉన్నాయి. మెయిన్ కెమెరా అద్భుతమైన ఫోటోలను క్లిక్ చేస్తుంది. టెలిఫోటో లెన్స్ సాయంతో 120 రెట్ల డిజిటల్ జూమ్ చేయవచ్చు. సుదూరంగా ఉన్న వస్తువులను కూడా స్పష్టంగా క్యాప్చర్ చేసే అవకాశం ఉంది. సెల్ఫీల కోసం ముందు వైపు 32 మెగాపిక్సెల్ కెమెరా ఇచ్చారు. వీడియో కాల్స్ సమయంలో ఇది చాలా క్లారిటీగా ఉంటుంది. ఫోటోగ్రఫీ అంటే ఇష్టం ఉన్నవారికి ఈ కెమెరా సెటప్ బాగా నచ్చుతుంది. 6000 ఎంఏహెచ్ భారీ బ్యాటరీ రోజంతా నిరంతరాయంగా పని చేస్తుంది. 100 వాట్ల వైర్డ్ ఫాస్ట్ ఛార్జింగ్ సదుపాయం వల్ల నిమిషాల్లోనే ఫోన్ ఫుల్ ఛార్జ్ అవుతుంది. అలాగే 50 వాట్ల వైర్లెస్ ఛార్జింగ్ కూడా ఇది సపోర్ట్ చేస్తుంది.
ليست هناك تعليقات:
إرسال تعليق