ఇరాన్ కు చెందిన హై ప్రోఫైల్ ఫుట్ బాలర్ రమీన్ రెజియాన్ పురాతన ఫుట్ బాల్ క్లబ్ అయిన టెహ్రాన్స్ ఎస్తెగ్లాల్ కు డిఫెండర్ గా ఆడుతున్నాడు. ఇటీవల ఓ ఫుట్ బాల్ మ్యాచ్ ముగిసిన అనంతరం జట్టుతో కలిసి బస్సు ఎక్కేందుకు స్టేడియం బయటికి వచ్చిన రమీన్ రెజియాన్ ను ఓ మహిళా అభిమాని కలిసింది. ఈ సందర్భంగా రెజియాన్ ఆమెను కౌగిలించుకున్నాడు. ఇరాన్ లో బహిరంగ కౌగిలింతలు నిషేధం కావడంతో ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. దీనిపై ఇరాన్ ప్రభుత్వంతోపాటు ఆ దేశానికి చెందిన సామాజికవేత్తలు ఆగ్రహం వ్యక్తం చేస్తున్నారు. ఇరాన్ సామాజిక నిబంధనలకు విరుద్ధంగా ప్రవర్తించినందుకు రమీన్ రెజియాన్ కు అక్కడి ప్రభుత్వం సమన్లు జారీ చేసింది. సంబంధిత దర్యాప్తు అధికారుల ముందు హాజరై కౌగిలింత ఘటనపై సమాధానం ఇవ్వాలని ఆ సమన్లలో తెలిపింది.
No comments:
Post a Comment