చంద్రయాన్-3 ప్రాజెక్ట్లో భాగంగా జాబిల్లి వద్దకు పంపిన ప్రొపల్షన్ మాడ్యూల్ను విజయవంతంగా చంద్రుడి కక్ష్య నుంచి భూ కక్ష్యలోకి ప్రవేశపెట్టింది ఇస్రో. ఇది ప్రత్యేక ప్రయోగమని ఇస్రో శాస్త్రవేత్తలు తెలిపారు. చంద్రుడిపై నుంచి నమూనాలు సేకరించే ప్రణాళికలు చేస్తున్న ఇస్రో, తాజా ప్రయోగం ఆ మిషన్కు దోహదపడుతుందని పేర్కొంది. నమూనాలను తీసుకొని తిరిగి వచ్చే మిషన్ కోసం వ్యూహాలు రూపొందించేందుకు ప్రొపల్షన్ మాడ్యూల్లోని అదనపు సమాచారం ఉపయోగపడుతుందని పేర్కొంది. కాగా, చంద్రయాన్-3 మిషన్ ద్వారా చంద్రుడి దక్షిణ ధ్రువంపై భారత్ ఈ ఏడాది ఆగస్టు 23న సాఫ్ట్ ల్యాండింగ్ చేసింది. 'విక్రమ్ ల్యాండర్', 'ప్రజ్ఞాన్ రోవర్'ల సాయంతో దీనిని పూర్తి చేశారు. దీంతో చందమామ సౌత్ పోల్పై కాలు మోపిన మొదటి దేశంగా భారత్ నిలిచింది.
ليست هناك تعليقات:
إرسال تعليق