వెట్రి పయణం పథకాన్ని లాంఛనంగా ప్రారంభించిన సీఎం విజయ్ -LATEST NEWS AP TO TG

చెన్నై కోయంబేడు బస్టాండ్ లో గాంధీ జయంతిని పురస్కరించుకుని ఏర్పాటు చేసిన కార్యక్రమంలో ముఖ్యమంత్రి విజయ్ వెట్రి పయణం పథకాన్ని లాంఛనంగా ప్రారంభించారు. ప్రస్తుతం అమలులో ఉన్న ఈ సౌకర్యాన్ని మరింత విస్తరించారు. ఈ నూతన విధానం ద్వారా రాష్ట్రవ్యాప్తంగా మహిళలకు మరిన్ని రకాల బస్సులలో ఉచిత ప్రయాణ సదుపాయం అందుబాటులోకి వచ్చింది. గతంలో ఉన్న పరిమితులను సవరిస్తూ ప్రభుత్వం ఈ నిర్ణయాన్ని తీసుకుంది.గతంలో డీఎంకే హయాంలో సిటీ ఆర్డినరీ బస్సులకే ఈ పథకం పరిమితమై ఉండేది. ఫలితంగా గ్రామీణ, పట్టణ మహిళలు పూర్తిస్థాయిలో దీని ప్రయోజనాలను పొందలేకపోయారు. పట్టణ ప్రాంతాల్లో సాధారణ బస్సుల సంఖ్య తక్కువగా ఉండటం వల్ల ఇబ్బందులు తలెత్తాయి. ఆ లోటుపాట్లను అధిగమిస్తూ విజయ్, ఈ పథకాన్ని మరింత విస్తరింపజేశారు. మెట్రోపాలిటన్ తో పాటు పట్టణ ప్రాంతాల్లో తిరిగే ఎక్స్‌ప్రెస్, లిమిటెడ్ స్టాప్ సర్వీస్, డీలక్స్ బస్సుల్లోనూ మహిళలు ఇకపై ఉచితంగా ప్రయాణించవచ్చు. వీటితో పాటు జిల్లాలను అనుసంధానించే ఆర్డినరీ మొఫిసిల్ బస్సులను కూడా దీని పరిధిలోకి తీసుకువచ్చారు. మహిళలతో పాటు ట్రాన్స్‌జెండర్లకు కూడా ఈ ఉచిత ప్రయాణ సౌకర్యం వర్తిస్తుంది. తమిళనాడులోని ఏడు ప్రభుత్వ రవాణా సంస్థల పరిధిలో నడుస్తున్న మొత్తం 18,413 బస్సుల్లో దాదాపు 69 శాతం.. అంటే సుమారు 12,692 బస్సులు ఇప్పుడు ఈ వెట్రి పయణం పథకం పరిధిలోకి వచ్చాయి. ఈ మార్పుల వల్ల రాష్ట్రవ్యాప్తంగా ప్రతిరోజూ దాదాపు 84.32 లక్షల మంది మహిళలకు ప్రయోజనం చేకూరుతుందని ప్రభుత్వం అంచనా వేసింది. ప్రతిరోజూ సుమారు 1.65 లక్షల సింగిల్ ట్రిప్పులలో మహిళలు ఈ ఉచిత ప్రయాణ సౌకర్యాన్ని వినియోగించుకుంటారని భావిస్తోంది. ఈ ఫ్రీ టికెట్ కోసం ఆర్టీసీ బస్సుల్లో ఎలక్ట్రానిక్ టికెటింగ్ మిషన్లల్లో నూతన సాఫ్ట్ వేర్ ను అమర్చారు. ఈ నూతన ఉచిత ప్రయాణ వ్యవస్థతో అనుసంధానించారు. ఈ పథకం అమలు వల్ల ఖజానా నుండి ప్రతి సంవత్సరం దాదాపు 6,000 కోట్ల రూపాయల వరకు అదనపు భారం పడుతుంది. కోయంబత్తూరు-ఈరోడ్, ఈరోడ్-సేలం, తిరుచిరాపల్లి-దిండిగల్, తంజావూరు-నాగపట్టణం, మధరై-విరుదునగర్, తిరునెల్వేలి-నాగర్‌కోయిల్ లాంటి ప్రధాన రద్దీ అంతర్ జిల్లా మార్గాల్లో ప్రయాణించే మహిళలకు ఈ నూతన సదుపాయం ఎంతో ప్రయోజనకరంగా మారనుంది.

వెట్రి పయణం పథకాన్ని లాంఛనంగా ప్రారంభించిన సీఎం విజయ్

ليست هناك تعليقات:

إرسال تعليق

Contact Us

Random Post

الإبلاغ عن إساءة الاستخدام

إجمالي مرات مشاهدة الصفحة

Configure Archive

بحث هذه المدونة الإلكترونية

Follow Us

About Me

نموذج الاتصال

No Thumbnail

#Tech

#Smartphone

Categories

Main Tags

Translate

Most Popular

How to Play flipkart Snakes & Ladders Game?

సీఈసీ జ్ఞానేశ్ కుమార్ రాజీనామాకు కాంగ్రెస్ పార్టీ డిమాండ్ : హైదరాబాద్‌లో భారీ నిరసన ర్యాలీ

లావా షార్క్ 2 ప్రో 5జీ విడుదల

టొరంటో ఇంటర్నేషనల్ ఫిల్మ్ ఫెస్టివల్ ప్రతిష్ఠాత్మక ప్లాట్‌ఫామ్ ప్రైజ్ గెలుచుకున్న 'అంఘ్'

ఎన్నికలు ఎప్పుడు వచ్చినా సిద్ధంగా ఉండండి : మంత్రులకు సీఎం చంద్రబాబు దిశానిర్దేశం

యువకుడిని చంపి, అనంతరం మర్మాంగాలను కత్తిరించిన వైనం

Featured Posts

#Advertisement

Featured Post

అక్టోబర్ 15 నుంచి 21 మధ్య ఈశాన్య రుతుపవనాలు : భారత వాతావరణ శాఖ

Tech News $ Scince latest