'టెక్నో పొవా 8 ప్రో 5G టోనినో లంబోర్గిని లిమిటెడ్ ఎడిషన్' స్మార్ట్‌ఫోన్‌ విడుదల

టెక్నో ఇటాలియన్ లగ్జరీ లైఫ్‌స్టైల్ బ్రాండ్ టోనినో లంబోర్గిని  భాగస్వామ్యంతో సరికొత్త 'టెక్నో పొవా 8 ప్రో 5G టోనినో లంబోర్గిని లిమిటెడ్ ఎడిషన్' స్మార్ట్‌ఫోన్‌ను మార్కెట్‌లోకి విడుదల చేసింది. ఈ లిమిటెడ్ ఎడిషన్ స్మార్ట్‌ఫోన్ ధర, విక్రయ తేదీ వివరాలను కంపెనీ ఇంకా అధికారికంగా వెల్లడించలేదు. అయితే, గతంలో భారత్‌లో విడుదలైన సాధారణ పొవా 8 ప్రో 5G మోడల్ ప్రారంభ ధర రూ. 49,999గా ఉంది. ఆ మోడల్ హార్డ్‌వేర్ ఫీచర్లతోనే వచ్చినందున దీని ధర కూడా దానికి దగ్గరగా లేదా కాస్త ప్రీమియంగా ఉండే అవకాశం ఉంది. ఈ స్మార్ట్‌ఫోన్‌ను 'టోనినో లంబోర్గిని బ్లాక్' షేడ్‌లో, నలుపు , ఎరుపు రంగుల కాంబినేషన్‌లో డిజైన్ చేశారు. బ్యాక్ ప్యానెల్‌పై ప్రత్యేకమైన హెక్సాగన్ ప్యాటర్న్ , మధ్యలో కాంతికి ప్రతిబింబించే మిర్రర్ నిర్మాణంతో 'పల్స్ లైన్' అందించారు. బ్యాక్ ప్యానెల్‌పై మెటాలిక్ ఫినిషింగ్‌తో లంబోర్గిని లోగో ప్రధాన ఆకర్షణగా నిలుస్తుంది. కెమెరా మోడ్యూల్ వద్ద ఉండే అలైవ్ మ్యాట్రిక్స్ డిస్‌ప్లేపై కస్టమైజ్డ్ 'L' సిగ్నేచర్ వెలుగుతుంది. ఈ ఫోన్‌లో 6.78-అంగుళాల హైపర్‌లక్స్ AMOLED డిస్‌ప్లే ఉంది. ఇది 144Hz రిఫ్రెష్ రేట్, 1,208x2,644 పిక్సెల్స్ రెసల్యూషన్, 4,500 నిట్స్ పీక్ బ్రైట్‌నెస్‌కు సపోర్ట్ చేస్తుంది. దీని స్క్రీన్‌కు కార్నింగ్ గొరిల్లా గ్లాస్ 7i ప్రొటెక్షన్ ఇచ్చారు. ఇది గేమింగ్ , మల్టీటాస్కింగ్‌కు అనువుగా ఉండే శక్తివంతమైన మీడియాటెక్ డైమెన్సిటీ 7400 అల్టిమేట్ 5G ప్రాసెసర్‌తో పాటు ఆర్మ్ మాలి-G615 MC2 GPUతో పనిచేస్తుంది. ఈ ఫోన్ 12GB వరకు ర్యామ్, 512GB వరకు స్టోరేజ్‌తో వస్తుంది. ఇంటర్నల్ వర్చువల్ ర్యామ్ సపోర్ట్‌తో ర్యామ్‌ను 24GB వరకు పెంచుకోవచ్చు. ఫోన్ వెనుక వైపు డ్యూయల్ కెమెరా సెటప్ ఉంది. ఇందులో OIS సపోర్ట్ ఉన్న 50-మెగాపిక్సెల్ సోనీ LYT-700C ప్రైమరీ కెమెరా, , 8-మెగాపిక్సెల్ అల్ట్రా-వైడ్ యాంగిల్ కెమెరా ఉన్నాయి. సెల్ఫీలు, వీడియో కాల్స్ కోసం ముందర 13-మెగాపిక్సెల్ కెమెరా అందించారు. ఈ ఫోన్ ఆండ్రాయిడ్ 16 ఆధారిత HiOS 16 పై నడుస్తుంది. దీనికి రెండు ప్రధాన ఆండ్రాయిడ్ ఓఎస్ అప్‌డేట్‌లు , మూడేళ్ల సెక్యూరిటీ ప్యాచ్‌లను కంపెనీ హామీ ఇచ్చింది. ఈ స్మార్ట్‌ఫోన్ 6,500mAh సామర్థ్యం గల భారీ బ్యాటరీని కలిగి ఉంది. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. కనెక్టివిటీ కోసం 5G, వై-ఫై 6, బ్లూటూత్ 5.4, NFC, GPS, , USB టైప్-సి పోర్ట్‌లు ఉన్నాయి. భద్రత కోసం ఇన్-డిస్‌ప్లే ఫింగర్‌ప్రింట్ సెన్సార్ అందించారు. ఫోన్ మందం 7.39mm కాగా, బరువు కేవలం 189 గ్రాములుగా ఉంది.