ముంబైలోని భాండుప్ ప్రాంతంలో పదో అంతస్తు నుంచి దూకి ఆత్మహత్యకు యత్నించిన మహిళ ఉదంతం కలకలం రేపింది. ప్రతీక్ష హివ్రాలే అనే ఇరవై ఆరు ఏళ్ల మహిళకు కేవలం నాలుగు నెలల క్రితమే వివాహం జరిగింది. వ్యక్తిగత కారణాల వల్ల ఆమె బుధవారం రోజున భవనం పైకి వెళ్లి దూకింది. భవనం పై నుంచి కిందకు దూకిన ప్రతీక్ష అదృష్టవశాత్తు కింద ఉన్న పెద్ద చెట్టుపై పడింది. ఆ చెట్టు దట్టమైన కొమ్మల్లో ఆమె శరీరం చిక్కుకుపోయింది. కింద పడకుండా కొమ్మల మధ్య వేలాడుతూ ఆమె తీవ్రమైన నరకయాతన అనుభవించింది. ఈ భయానక దృశ్యాన్ని చూసిన స్థానికులు వెంటనే అప్రమత్తమై పోలీసులకు మరియు రెస్క్యూ సిబ్బందికి సమాచారం అందించారు. సమాచారం అందుకున్న వెంటనే రెస్క్యూ సిబ్బంది ఘటనా స్థలానికి చేరుకున్నారు. చెట్టు కొమ్మల మధ్య చిక్కుకున్న మహిళను ఎంతో జాగ్రత్తగా కిందకు దించారు. ప్రాణాపాయం నుంచి బయటపడిన ఆమెను వెంటనే చికిత్స నిమిత్తం సమీపంలోని ఆస్పత్రికి తరలించారు. ప్రస్తుతం ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ అవుతోంది.
إرسال تعليق