ఆంధ్రప్రదేశ్ లోని గుంటూరుకు చెందిన ప్రముఖ న్యూరోసర్జన్, రావాస్ హాస్పిటల్ - ఇంటర్నేషనల్ ఇన్స్టిట్యూట్ ఆఫ్ న్యూరోసైన్సెస్ వ్యవస్థాపకులు, చీఫ్ న్యూరోసర్జన్ డాక్టర్ మోహనరావు పాటిబండ్ల కు చెన్నైలో జరిగిన అంతర్జాతీయ వెన్నెముక శస్త్రచికిత్స సదస్సులో మూడు ప్రతిష్ఠాత్మక శాస్త్రీయ అవార్డులు అందుకున్నారు. ఆసియా-పసిఫిక్ ప్రాంతానికి చెందిన ప్రముఖ వెన్నెముక శస్త్రచికిత్స నిపుణులు పాల్గొన్న PASMISS - MISSABCON - COSSCON 2026 సదస్సులో డా. రావు పరిశోధనకు విశేష గుర్తింపు లభించింది. ఈ సందర్భంగా ఆయనకు మూడు స్వతంత్ర శాస్త్రీయ పురస్కారాలు ప్రదానం చేశారు. డాక్టర్ రావు చేసిన పరిశోధన క్లిష్టమైన మెదడు-మెడ ఎముకల సమస్యలతో బాధపడుతున్న రోగులకు మరింత సురక్షితమైన, తక్కువ గాయాలతో చేసే శస్త్రచికిత్స విధానంపై ఆధారపడింది. వైద్య నిపుణులు ఈ పరిశోధనను వినూత్నత, శాస్త్రీయ ప్రమాణాలు, రోగులకు ఉపయోగపడే సామర్థ్యం ఆధారంగా ఎంపిక చేశారు. ఈ సందర్భంగా డా. రావు మాట్లాడుతూ… ‘ప్రతి పరిశోధన వెనుక ఒక రోగి ఉంటాడు. ప్రతి క్లిష్టమైన కేసు మనకు కొత్త పాఠం నేర్పుతుంది. ఆ అనుభవాన్ని పరిశోధనగా మార్చి ప్రపంచ వైద్య సమాజంతో పంచుకోవడమే మా లక్ష్యం. ఈ గుర్తింపు మా మొత్తం బృందానికి దక్కిన గౌరవం’ అని అన్నారు.
No comments:
Post a Comment