దేశీయ మార్కెట్లో ఐటెల్ జెనో 100 విడుదలైంది. ఎంట్రీ లెవెల్ యూజర్లను దృష్టిలో పెట్టుకొని దీనిని రూపొందించారు. తక్కువ ధరలో అవసరమైన ఫీచర్లు అందించడం ఈ ఫోన్ ప్రత్యేకత. ప్రీమియం లుక్తో కనిపించే డిజైన్, పెద్ద బ్యాటరీ, స్మూత్ డిస్ప్లే వంటి ఫీచర్లతో ఈ ఫోన్ బడ్జెట్ సెగ్మెంట్లో మంచి ఎంపికగా నిలుస్తోంది. పెద్ద డిస్ప్లే, బిగ్ బ్యాటరీ, బేసిక్ పర్ఫామెన్స్ వంటి ఫీచర్లు ఈ బడ్జెట్ ఫోన్లో అందుబాటులో ఉన్నాయి. ఈ ఫోన్ ప్రస్తుతం అమెజాన్ ఇండియాలో కొనుగోలు చేయడానికి అందుబాటులో ఉంది. దీని ప్రారంభ ధర రూ.6,866గా నిర్ణయించారు. ఈ ఫోన్ రెండు వేరియంట్లలో అందుబాటులో ఉంది. ఒకటి 3GB RAM + 64GB స్టోరేజ్ వేరియంట్ కాగా, మరొకటి 4GB RAM + 64GB స్టోరేజ్ వేరియంట్. వర్చువల్ ర్యామ్ ఫీచర్తో ర్యామ్ను గరిష్టంగా 12GB వరకు పెంచుకునే అవకాశం ఉంది. 6.6 ఇంచ్ HD+ IPS LCD డిస్ప్లే అందించారు. దీనికి 90Hz రిఫ్రెష్ రేట్ సపోర్ట్ ఉండటం వల్ల స్క్రోలింగ్ మరింత స్మూత్గా ఉంటుంది. ఈ ఫోన్ వాటర్డ్రాప్ నాచ్ డిజైన్ తో వస్తుంది. కెమెరా మాడ్యూల్ ప్రీమియం ఫోన్ల తరహాలో కనిపిస్తుంది. ఫోన్ స్లిమ్గా ఉండటంతో చేతిలో పట్టుకోవడానికి సౌకర్యంగా ఉంటుంది. దీనిలో Unisoc T7100 ప్రాసెసర్ అందించారు. బ్రౌజింగ్, సోషల్ మీడియా, మెసేజింగ్ వంటి రోజువారీ పనులను సులభంగా నిర్వహించగలదు. ఇది 3GB లేదా 4GB ఫిజికల్ ర్యామ్ ఉంటుంది. అదనంగా వర్చువల్ ర్యామ్ సపోర్ట్ ఉండటంతో మల్టీటాస్కింగ్ మరింత సులభంగా ఉంటుంది. ఫోన్లో 64GB ఇంటర్నల్ స్టోరేజ్ అందించారు. అవసరమైతే మెమరీ కార్డ్ ద్వారా స్టోరేజ్ను మరింత విస్తరించుకోవచ్చు. దీనిలో 8MP రియర్ కెమెరా ఉంది. రోజువారీ ఫోటోలు, సోషల్ మీడియా కోసం సరిపడే ఫోటో క్వాలిటీ ఇస్తుంది. సెల్ఫీలు మరియు వీడియో కాల్స్ కోసం 5MP ఫ్రంట్ కెమెరా అందించారు. ఈ ఫోన్లో 5000mAh భారీ బ్యాటరీ ఉంది. సాధారణ వినియోగంలో రోజంతా బ్యాటరీ బ్యాకప్ ఇస్తుంది. ఫోన్ 10W ఛార్జింగ్ సపోర్ట్ తో వస్తుంది. USB Type-C పోర్ట్ ద్వారా ఛార్జింగ్ చేయవచ్చు. Android 15 Go Edition ఆధారంగా పనిచేస్తుంది. బడ్జెట్ ఫోన్లలో కూడా స్మూత్ పనితీరు కోసం ఈ సిస్టమ్ ఉపయోగపడుతుంది. ఈ ఫోన్లో డ్యూయల్ 4G SIM, Wi-Fi, Bluetooth, GPS వంటి కనెక్టివిటీ ఫీచర్లు ఉన్నాయి. ఫోన్లో సైడ్ మౌంటెడ్ ఫింగర్ప్రింట్ సెన్సార్ మరియు ఫేస్ అన్లాక్ సపోర్ట్ కూడా ఉన్నాయి. ఐటెల్ జెనో 100 టైటానియం గోల్డ్, ప్యూర్ బ్లాక్, సిల్క్ గ్రీన్ వంటి ఆకర్షణీయమైన రంగుల్లో అందుబాటులో ఉంది.
ليست هناك تعليقات:
إرسال تعليق