వొడాఫోన్ ఐడియా దేశీయ కస్టమర్ల కోసం ఆరు కొత్త రీఛార్జ్ ప్లాన్లను పరిచయం చేసింది. వీటి ధర రూ.179 నుంచి ప్రారంభమవుతుంది. టెల్కో కంపెనీలు కేవలం కాలింగ్ ప్లాన్లను కూడా అందించాలని టెలికాం రెగ్యులేటర్ ట్రాయ్ ఇటీవల మార్గదర్శకాలు జారీ చేసింది. ఈ ప్లాన్లలో మొబైల్ డేటా లభించదు, కానీ మెసేజ్ సౌకర్యం ఉంటుంది. ఇవి సెగ్మెంట్‌లోనే అత్యంత చౌకైన ప్లాన్లని కంపెనీ చెబుతోంది. వేర్వేరు వ్యాలిడిటీలతో ఈ ప్లాన్లు వచ్చాయి. వీటిలో గరిష్ఠంగా 365 రోజుల వ్యాలిడిటీ ఉన్న ప్లాన్ కూడా ఉంది. రూ.179 రీఛార్జ్ ప్లాన్ లో అన్‌లిమిటెడ్ కాలింగ్, 300 SMS, 25 రోజుల వ్యాలిడిటీ, అదనపు ప్రయోజనంగా Vi Movie & TV యాప్ యాక్సెస్, Vi రూ.185 రీఛార్జ్ ప్లాన్, అన్‌లిమిటెడ్ కాలింగ్, 300 SMS, 28 రోజుల వ్యాలిడిటీ, Vi Movie & TV యాప్ కాంప్లిమెంటరీ యాక్సెస్ వుంటుంది. రూ.203 రీఛార్జ్ ప్లాన్ లో అన్‌లిమిటెడ్ కాలింగ్, 300 SMS, 30 రోజుల వ్యాలిడిటీ, Vi Movie & TV యాప్ కాంప్లిమెంటరీ యాక్సెస్, Vi రూ.206 రీఛార్జ్ ప్లాన్ ,అన్‌లిమిటెడ్ కాలింగ్, 300 SMS, నెల రోజుల వ్యాలిడిటీ, Vi Movie & TV యాప్ కాంప్లిమెంటరీ యాక్సెస్ వుంటుంది. రూ.470 రీఛార్జ్ ప్లాన్ లో అన్‌లిమిటెడ్ కాలింగ్, 900 SMS, 84 రోజుల వ్యాలిడిటీ, Vi Movie & TV యాప్ కాంప్లిమెంటరీ యాక్సెస్ వుంటుంది, Vi రూ.1849 రీఛార్జ్ ప్లాన్ కూడా అందుబాటులోకి వచ్చింది. ఇందులో కేవలం కాలింగ్ సౌకర్యం మాత్రమే ఉంటుంది. ఈ ప్లాన్‌కు పూర్తి 365 రోజుల వ్యాలిడిటీ లభిస్తుంది. అలాగే 3,600 SMS కూడా ఇస్తారు.
