దేశంలో వస్తువులు, సేవల పన్ను నిబంధనలను సులభతరం చేయడం, ఇన్‌పుట్ ట్యాక్స్ క్రెడిట్ సయోధ్యను మెరుగుపరచడం, పన్ను రీఫండ్‌ల ప్రక్రియను వేగవంతం చేయడమే లక్ష్యంగా జీఎస్టీ కౌన్సిల్ పలు విప్లవాత్మక నిబంధనల పాటింపు సంస్కరణలను సిఫార్సు చేసింది. సెంట్రల్ బోర్డ్ ఆఫ్ ఇన్‌డైరెక్ట్ టాక్సెస్ అండ్ కస్టమ్స్ సభ్యుడు సంజయ్ మంగళ్ తెలిపిన వివరాల ప్రకారం.. ఈ సంస్కరణలు రెండు దశల్లో అమలు కానున్నాయి. శాసన సవరణలు అవసరం లేని చర్యలు నవంబర్ 1 నుండి అమల్లోకి రానుండగా, కీలక చట్టపరమైన మార్పులను ఏప్రిల్ 1, 2027 నాటికి అమలు చేయాలని లక్ష్యంగా పెట్టుకున్నారు. గత అక్టోబర్ 8న జరిగిన 57వ జీఎస్టీ కౌన్సిల్ సమావేశంలో ఈ ప్రతిపాదనలకు ఆమోదం లభించింది. దాదాపు 80 శాతం జీఎస్టీ నోటీసులు రిటర్న్‌లలోని డేటా వ్యత్యాసాల వల్లనే వస్తున్నాయని సీబీఐసీ తెలిపింది. దీనిని నివారించేందుకు GSTR-1, GSTR-1A మరియు IFF ఫారాలను సవరించనున్నారు. ప్రజాభిప్రాయ సేకరణ కోసం నవంబర్ 1 నుండి నవంబర్ 30 వరకు ఇవి myGov పోర్టల్‌లో అందుబాటులో ఉంటాయి. సవరించిన ఈ కొత్త ఫారాలు ఏప్రిల్ 1, 2027 నుండి అమలులోకి వస్తాయి. 2. చిన్న వ్యాపారులకు 'ARQP' పథకం & ఆలస్య రుసుము మాఫీ. ఆ తేదీనే అన్నదాతల ఖాతాల్లోకి రూ.6 వేలు జమ..! ఏడాదికి ₹5 కోట్ల వరకు టర్నోవర్ ఉండి, నమోదిత వినియోగదారులకు కాకుండా కేవలం అన్‌రిజిస్టర్డ్ వినియోగదారులకు మాత్రమే వ్యాపారం చేసే చిన్న పన్ను చెల్లింపుదారుల కోసం 'ఆప్షనల్ యాన్యువల్ రిటర్న్ క్వార్టర్లీ పేమెంట్' పథకాన్ని ఆమోదించారు.
