ఐక్యూ త్వరలో నియో సిరీస్లో కొత్త స్మార్ట్ఫోన్ ఐక్యూ నియో 11ఎస్ ను చైనా మార్కెట్లో విడుదల చేయడానికి సిద్ధమవుతోంది. కంపెనీ ఇప్పటివరకు అధికారికంగా ఎలాంటి ప్రకటన చేయకపోయినా, తాజా లీక్ల ద్వారా ఈ ఫోన్కు సంబంధించిన కీలక స్పెసిఫికేషన్లు వెలుగులోకి వచ్చాయి. ప్రముఖ టిప్స్టర్ వెల్లడించిన వివరాల ప్రకారం, దీనిలో MediaTek Dimensity 9500 చిప్సెట్కు ప్రత్యేకంగా ట్యూన్ చేసిన వెర్షన్ను ఉపయోగించనున్నారు. ఇది స్టాండర్డ్ Dimensity 9500తో పోలిస్తే కొద్దిగా తక్కువ క్లాక్ స్పీడ్తో పనిచేసినా, iQOO సాఫ్ట్వేర్ ఆప్టిమైజేషన్లతో మంచి పనితీరును అందిస్తుంది. లీక్ల ప్రకారం ఈ ఫోన్లో 2K రిజల్యూషన్ డిస్ప్లే ఉండనుంది. కొత్త దేశీయ డిస్ప్లే టెక్నాలజీతో తయారైన ప్యానెల్ను ఇందులో ఉపయోగించే అవకాశం ఉంది. అంతేకాకుండా 9,000mAh కంటే ఎక్కువ బ్యాటరీను అందించనున్నట్లు సమాచారం. ఇది గత మోడల్తో పోలిస్తే భారీ అప్గ్రేడ్. అలాగే 100W వైర్డ్ ఫాస్ట్ ఛార్జింగ్ సపోర్ట్ ఉండే అవకాశం ఉంది. అలాగే అల్ట్రాసోనిక్ ఇన్-డిస్ప్లే ఫింగర్ప్రింట్ సెన్సార్, IP68 రేటింగ్ తో వాటర్, డస్ట్ రెసిస్టెన్స్ కూడా ఉండొచ్చని లీక్లు సూచిస్తున్నాయి. ఇది ఆగస్టులో చైనాలో లాంచ్ అయ్యే అవకాశం ఉంది. 12GB + 256GB, 12GB + 512GB, 16GB + 256GB, 16GB + 512GB వేరియంట్లలో అందుబాటులోకి రావొచ్చు. లైట్ వైట్, షాడో బ్లాక్, విండ్ ఛేజర్ అనే మూడు రంగుల్లో విడుదల చేసే అవకాశం ఉంది.
