ఆంధ్రప్రదేశ్లోని అనంతపురం జిల్లాలో, బ్రూక్ఫీల్డ్, యాక్సిస్ ఎనర్జీల సంయుక్త సంస్థ అయిన ఎవ్రెన్ అభివృద్ధి చేస్తున్న 552 మెగావాట్ పీక్ యుటిలిటీ-స్కేల్ సౌర విద్యుత్ ప్రాజెక్టుకు సంబంధించిన ఇంజనీరింగ్, ప్రొక్యూర్మెంట్, కన్స్ట్రక్షన్ కాంట్రాక్టును యాక్సిస్ ఎనర్జీ దక్కించుకుంది. రాబోయే 18 నెలల్లో ఈ ప్రాజెక్టును ప్రారంభించాలని లక్ష్యంగా పెట్టుకున్నారు. ఇది యాక్సిస్ ఎనర్జీ యొక్క స్వచ్ఛ ఇంధన ప్రాజెక్టుల విస్తరణలో ఒక ముఖ్యమైన భాగంగా నిలవడంతో పాటుగా ఎవ్రెన్తో దాని వ్యూహాత్మక భాగస్వామ్యాన్ని మరింత బలోపేతం చేస్తుంది. ఈ సోలార్ ప్రాజెక్టు 400 మెగావాట్ల పవన-సౌర హైబ్రిడ్ పునరుత్పాదక ఇంధన ప్రాజెక్టులో భాగంగా ఉంది. ఇందులో బ్యాటరీ ఎనర్జీ స్టోరేజ్ సిస్టమ్స్ (BESS)ను అనుసంధానించి, రాష్ట్ర విద్యుత్ గ్రిడ్కు అనుసంధానం చేయనున్నారు. ఆంధ్రప్రదేశ్ యొక్క గరిష్ట విద్యుత్ డిమాండ్ను తీర్చటానికి అనుగుణంగా రూపొందించబడిన ఈ ప్రాజెక్ట్, గరిష్ట వినియోగ సమయాల్లో పునరుత్పాదక విద్యుత్ను అందిస్తుంది. ఇది గ్రిడ్ విశ్వసనీయతను పెంచుతూ, రాష్ట్ర స్వచ్ఛ ఇంధన లక్ష్యాలకు మద్దతు ఇస్తుంది. ఈ ప్రాజెక్ట్లోని 640.5 మెగావాట్ల పవన విద్యుత్ విభాగానికి సంబంధించిన ఈపీసీ పనులను కూడా యాక్సిస్ ఎనర్జీ చేపడుతోంది, ప్రస్తుతం నిర్మాణ పనులు జరుగుతున్నాయి. ఈ సందర్భంగా యాక్సిస్ ఎనర్జీ చీఫ్ ఎగ్జిక్యూటివ్ ఆఫీసర్ మురళీ సూరపనేని మాట్లాడుతూ, "బీబీబీ ప్రాజెక్ట్లోని సౌర విద్యుత్ విభాగానికి సంబంధించి ఈపీసీ కాంట్రాక్టును దక్కించుకోవడం యాక్సిస్ ఎనర్జీకి ఒక ముఖ్యమైన మైలురాయి. ఇది ఎవ్రెన్తో మా దీర్ఘకాల భాగస్వామ్యాన్ని మరింత బలోపేతం చేస్తుంది. ఈ ప్రతిష్ఠాత్మక హైబ్రిడ్ ప్రాజెక్టులో పవన, సౌర విద్యుత్ ప్రాజెక్టులను ఏకకాలంలో అమలు చేయడం ద్వారా సమగ్ర పునరుత్పాదక ఇంధన పరిష్కారాన్ని అందించే అరుదైన అవకాశం మాకు లభించింది. అత్యుత్తమ ఇంజినీరింగ్ నైపుణ్యం, సమర్థవంతమైన కార్యకలాపాల నిర్వహణతో పాటు ప్రపంచస్థాయి ప్రాజెక్టు అమలు సామర్థ్యాలను సమన్వయం చేసి, ఈ ప్రాజెక్టును విజయవంతంగా పూర్తి చేయడానికి కట్టుబడి ఉన్నాం. విశ్వసనీయమైన, విస్తరించదగిన, సుస్థిరమైన స్వచ్ఛ ఇంధన మౌలిక సదుపాయాలను అభివృద్ధి చేయడం ద్వారా భారతదేశ ఇంధన పరివర్తనకు మద్దతు ఇవ్వాలనే మా నిరంతర నిబద్ధతను ఈ ప్రాజెక్ట్ ప్రతిబింబిస్తుంది" అని అన్నారు. ఈ ప్రాజెక్ట్కు ఆంధ్రప్రదేశ్ సదరన్ పవర్ డిస్ట్రిబ్యూషన్ కంపెనీ లిమిటెడ్ (ఏపీఎస్పిడీసీఎల్)తో దీర్ఘకాలిక విద్యుత్ కొనుగోలు ఒప్పందాలు (పీపీఏలు) మద్దతుగా ఉన్నాయి. పవన, సౌర విద్యుత్ ఉత్పత్తితో పాటు బ్యాటరీ నిల్వ వ్యవస్థను సమగ్రంగా అనుసంధానించడం వల్ల పునరుత్పాదక విద్యుత్ను మరింత విశ్వసనీయంగా వినియోగించుకోవచ్చు. అలాగే, విద్యుత్ ఉత్పత్తిలో ఉండే హెచ్చుతగ్గులను నిర్వహించడంతో పాటు, గరిష్ఠ డిమాండ్ సమయంలో విద్యుత్ అవసరాలను తీర్చేందుకు ఇది దోహదపడుతుంది.
0 Comments